Pripyaa Fahn Now fi Wahn Medikal Imerjensi

Wai ih impoatant fi pripyaa heda taim? Wi ku en op eena wahn medikal imerjensi er eena haaspital eni taim widowt no waanin. Soh bifoa wahn imerjensi kom op, du evriting weh yu kud fahn now soh dat yu ku geh di bes medikal chreetment pasabl. Wen yu du dat, yu shoa rispek fi laif ahn fi Jehoava laa bowt blod.—Aks 15:28, 29.

Weh yu ku du fi pripyaa?

• Pray ahn tek yu taim fi ful owt wahn durable power of attorney (DPA) kyaad.a Baptaiz poblishaz ku geh wahn DPA kyaad fi dehnself, an if dehn ga anda-ayj chiljren, dehn ku geh wahn Identity Card (ic) fahn di lichricha servant

• If yu pregnant, aks yu eldaz fi wahn kapi a di Infamayshan fi Wahn Pregnant Uman (S-401) dakyument. Dis dakyument wahn help yu fi mek gud disizhanz bowt eni medikal sichuwayshan weh ku kom op wail yu pregnant ahn wen yu di ga baybi

• If yu need wahn medikal proseeja er yu need fi stay eena haaspital, tel yu eldaz heda taim ahn mek di haaspital noa dat yu wuda waahn wahn minista a Jehoava Witnisiz kohn vizit yu

How di eldaz ku help? Dehn ku help yu ful owt yu DPA kyaad. Bot, di eldaz noh wahn mek eni medikal disizhan fi yu er gi yu dehn persnal opinyan fi wahn disizhan weh yoo haftu mek fi yuself. (Ro 14:12; Ga 6:5) Wen yu infaam yu kangrigayshan eldaz dat yu di deel wid wahn medikal sichuwayshan weh mait ga fi du wid blod, dehn wahn kantak di Hospital Liaison Committee (HLC) rait away fi yu.

How di HLC ku help? Bradaz weh serv pahn di HLC geh chraynin fi help di medikal ahn leegal staaf fi andastan dat wi standin pahn blod bays pahn di Baibl. Dehn ku meet wid di peepl weh involv eena yu medikal chreetment fi diskos difrent medikal chreetment weh noh yooz blod. If nesiseri, dehn ku help yu fain wahn dakta weh wilin fi rispek yu disizhan pahn blod.

WACH DI VEEDYO WEH NAYM HOW FI MEK WAHN GUD DISIZHAN BOWT DI YOOS A BLOD, AHN DEN ANSA DIS KWESCHAN:

• Weh yu laan fahn dis veedyo weh ku help yu bee redi fi wahn medikal imerjensi weh involv blod?

  Your answer