Set Goalz fi di Memoaryal Seezn

Evri yaa, Jehoava peepl luk faawod tu wen dehn wahn selibrayt di Memoaryal tugeda. Fi wahn fyoo weeks bifoa an afta di Memoaryal, wi tek advantij a di speshal apachooniti fi gi prayz ahn tanks tu Jehoava fi di gif a di ransom. (If 1:3, 7) Fi egzampl, wi werk haad fi invait peepl fi kohn da di Memoaryal. Som a wi bradaz ahn sistaz ajos dehn skejul soh dat dehn ku agzilari painyaa ahn spen 30 er 50 owaz eena di minischri joorin Maach er Aypril. Yoo wuda waahn spen moa taim eena di minischri joorin dis Memoaryal seezn? Weh ku help yu du dat?

Wi ku du moa wen wi plan tingz owt heda taim. (Pr 21:5) Taim di goh faas an di Memoaryal seezn wahn soon deh ya, soh now da di taim fi staat mek planz. Tink bowt wayz how yu wuda waahn du moa eena di minischri joorin da taim, ahn tink bowt weh yu wuda haftu du fi reech di goalz weh yu set fi yuself. Den aks Jehoava fi bles yu az yu chrai yu bes fi werk pahn dehndeh goalz.—1Jn 5:14, 15.

Yoo ku tink bowt sohn wayz how yu ku du moa eena di minischri joorin di Memoaryal seezn?