Yooz di JW.ORG Hoam Payj Eena Yu Minischri

Di hoam payj pahn jw.org ga wahn lata aatikl ahn veedyo weh spesifik fi peepl weh da noh Jehoava Witnisiz. (Ak 13:48) Moas a di taim, ih taak bowt tapiks weh deh pahn di nyooz er tapiks weh deh pahn wahn lata peepl main.

How fi yooz di jw.org hoam payj eena yu minischri?

• Aalwayz chek di websait. Pay atenshan tu weh deh pahn di hoam payj ahn chrai si how yu ku yooz da tapik fi preech tu sohnbadi. (Fi fain wahn aatikl weh yoostu deh pahn di hoam payj, yu haftu klik wehpaat ih seh “Fain Owt Moa.”) Wen yu stay op-tu-dayt wid di websait, dat wahn help yu fi fain nyoo wayz fi staat yu prezentayshan eena di minischri.

• Yooz wahn aatikl er wahn veedyo weh deh pahn di hoam payj fi staat wahn kanvasayshan. Wateva deh pahn di hoam payj ku gi yu wahn aidyaa a weh deh pahn peepl main.

• Shoa peepl di hoam payj. Shoa wahn spesifik tapik, ahn teech di persn how fi yooz di websait.

• Shayr wahn link. Sohn peepl noh waahn taak tu wi, bot dehn noh main goh pahn wi websait. Wen yu fain peepl weh inchrestid, shayr wahn link weh kehr dehn tu wahn spesifik veedyo er aatikl weh deh pahn di hoam payj.