LIV YU LAIF AZ WAHN KRISTYAN
Jehoava Sayv di Wan Dehn Weh Feel Dong
Evribadi feel sad sohntaim. If yu feel sad, dat noh meenz dat yu noh ga fayt eena Jehoava. Eevn Jehoava feel sad sohntaim. (Je 6:5, 6) Bot wat if yu feel reeli reeli sad er if yu feel sad aal di taim?
Pray tu Jehoava fi help. Jehoava waahn noa how wi feel. Hihn noa wen wi feel hapi er sad. Hihn noa weh wi tink ahn how wi feel ahn wai fi feel soh. (Ps 7:9b) Eevn moa dahn dat, Jehoava kay fi wi an ih ku help wi wen wi feel sad er dipres.—Ps 34:18.
Tek kayr a yu mental helt. Wen wi feel diskorij, dat ku tek weh wi jai an afek wi frenship wid Jehoava. Soh bikaaz a dat, ih impoatant fi protek wi haat.—Pr 4:23.
PLAY DI VEEDYO WEH NAYM HOW WI BRADAZ DI INJAI PEES EEVN DOA DEHN DIPRES, AHN DEN AKS DEHNYA KWESCHAN:
Wat da sohn tingz weh Nikki mi du fi help ahn deel wid ih dipreshan?
Wai Nikki mi feel dat ih mi impoatant fi geh help fahn wahn dakta?—Ma 9:12
How Nikki mi shoa dat ih mi pen pahn Jehoava fi help?