Ekspeeryens

Shoa Kompashan tu Evribadi

Wan day, wahn sista fahn New Zealand mi-di wach wahn veedyo pahn jw.org weh diskos how Jehoava noh onli feel kompashan bot ih shoa it tu. (Isa. 63:​7-9) Shee mi mek op ih main fi kapi fi hihn egzampl, soh ih lukowt fi wayz how ih ku help adaz. Da saym day, wail ih mi deh da shap, ih meet wahn laydi weh noh ga no way fi liv an ih aafa fi bai ahn sohnting fi eet. Wen di sista kohn bak wid di food, shee mi tek di apachooniti fi taak tu di laydi bowt di Baibl, an ih shoa ahn di chrak Yu Tink Sofarin Wahn Eva En?

Di laydi jos staat tu krai. Shee mi eksplayn dat shee mi groa op az wahn Witnis bot ih lef di chroot yaaz agoa. Den ih seh dat ih mi-di pray tu Jehoava fi help ahn kohn bak tu hihn. Di sista mi giv ahn wahn Baibl ahn di laydi aksep wahn Baibl stodi.a

Jos laik how Jehoava shoa kompashan, wee ku shoa kompashan fi adaz tu. Dat inklood wi relitiv dehn ahn wi bradaz ahn sistaz eena di kangrigayshan. Ahn wi shoa kompashan wen wi luk fi difrent apachooniti fi taak tu adaz bowt Jehoava.