Laan Fahn di Pichaz

Wi poblikayshan dehn ful a pichaz weh teech wi impoatant points. How dehnya pichaz ku help yu?

• Luk pahn di picha dehn bifoa yu reed di aatikl. Tink bowt it laik dis: Wen yu si wahn nais playt a food, yu eega fi eet it. Jos laik dat, yu wahn bee moa eega fi reed wahn aatikl if yu luk pahn di pichaz fers. Soh bifoa yu staat reed, aks yuself, ‘Weh di pichaz di shoa mi?ʼ—Amos 7:​7, 8.

• Wail yu di reed di aatikl, tink bowt wai di pichaz dehdeh. Reed eni picha kyapshan er eksplanayshan weh dehdeh. Tink bowt how di picha help yu fi andastan di paragraaf er aatikl ahn how yu ku yooz weh di picha teech yu.

• Afta yu reed di aatikl, luk pahn di pichaz agen ahn yooz dehn fi help yu memba di mayn points. Den, kloaz yu aiy ahn chrai memba di pichaz ahn weh dehn teech yu.

• Chrai luk pahn di pichaz eena dis magazeen agen ahn si if yu ku memba di points weh dehn teech yu.