• Shoa Dat Yu Tankful fi Weh Jehoava ahn Jeezas Du fi Yoo
    Injai Laif Fareva!—Si Weh di Baibl Seh

    • 3. Weh wi ku du fi shoa dat wi tankful?

      Imajin dat yu di jrongdid ahn sohnbadi sayv yu laif. Yu tink yu wuda ferget weh da persn du fi yu? Er yu wuda luk fi wayz fi shoa ahn dat yu tankful fi weh ih du fi yu?

      Wi ga di chaans fi liv fareva bikaaz a Jehoava kainis. Reed 1 Jan 4:8-10, ahn den diskos dehnya kweschan:

      • Wai Jeezas sakrifais da wahn speshal gif?

      • How yoo feel bowt weh Jehoava ahn Jeezas du fi yu?

      How wi ku shoa dat wi tankful fi weh Jehoava ahn Jeezas du fi wi? Reed 2 Korintyanz 5:15 ahn 1 Jan 4:11; 5:3. Afta yu reed eech skripcha, diskos dis kweschan:

      • Akaadn tu da skripcha, weh wi ku du fi shoa dat wi graytful?

  • Wai Dedikayt Yu Laif tu Gaad ahn Geh Baptaiz?
    Injai Laif Fareva!—Si Weh di Baibl Seh

    • 1. Weh mek sombadi waahn dedikayt dehn laif tu Jehoava?

      Wi dedikayt wi laif tu Jehoava bikaaz wi lov ahn. (1 Jan 4:10, 19) Di Baibl tel wi: “Lov Jehoava yu Gaad wid yu hoal haat ahn wid yu hoal soal ahn wid yu hoal main ahn wid yu hoal schrent.” (Maak 12:30) Wi shoa dat wi lov Gaad noh jos bai weh wi seh bot bai weh wi du tu. Jos laik how wahn man ahn wahn laydi disaid fi geh marid bikaaz dehn reeli lov eech ada, fi wee lov fi Jehoava mek wi waahn dedikayt wiself tu hihn ahn geh baptaiz.