STODI POINT 1

Pripyaa Wahn Gud Inchrodokshan

Aks 17:22

WEH FI DU: Yu inchrodokshan fi get peepl atenshan. Menshan yu tapik er weh yu wahn taak bowt rait away. Den shoa wai ih impoatant tu yu aadyans.

Get dehn atenshan. Taak bowt sohnting weh wahn inchres peepl; yooz wahn kweschan, wahn reel-laif ekspeeryens, er sohnting weh yu hyaa pahn di nyooz.

Way heda taim, tink gud bowt di kaina tingz weh inchres yu aadyans ahn weh kansaan dehn, ahn den ajos yu inchrodokshan bays pahn dat.
Menshan yu tapik. Mek shoar dat yu aadyans noa egzakli wat da yu tapik ahn di perpos a yu prezentayshan.
Shoa wai yu tapik impoatant. Ajos weh yu seh soh dat yu aadyans ku yooz di infamayshan. Dehn fi si klayr-wan eena dehn main how di tapik ku help dehn persnali.

Wail yu di pripyaa wahn taak, aks yuself, ‘Wat da sohn sichuwayshan weh di bradaz ahn sistaz eena mai kangrigayshan di fays?ʼ Den pripyaa yu inchrodokshan bays pahn dat.