“Aala di Peepl Weh Mi Liv Pahn di Ert Mi-Di Taak Wan Langwij”

11:1-4, 6-9

Da Baybl, Jehoava mi skyata di peepl weh neva obay ahn wen ih mi chaynj op dehn langwij. Tudeh hihn di gyada op wahn grayt krowd a peepl owta aal di nayshan dehn ahn giv dehn wahn “pyoar langwij” soh dat dehn “ku kaal pahn di naym a Jehoava fi serv ahn shoalda tu shoalda.” (Zep 3:9; Rev 7:9) Dis “pyoar langwij” da di chroot bowt Jehoava ahn ih perpos weh deh eena di Skripchaz.

Fi laan wahn nyoo langwij, ih tek lat moa werk dan fi jos memoraiz sohn nyoo werdz. Yu haftu laan fi tink eena wahn hoal nyoo way. Sayhn way soh, az wi laan di pyoar langwij a di chroot wi wahn chaynj di way wi vyoo tingz. (Roam 12:2) Dis da wahn proases weh wahn kantinyu fi hapm. Ahn dat da weh help Gaad peepl fi stay yoonaitid.—1Kor 1:10.