Eksplayn Eech Skripcha Weh Yu Reed

Aks 17:2, 3

WEH FI DU: Mek shoar dat yu aadyans si klayr-wan how di skripcha weh yu reed sopoat di point yu di mek. Soh noh jos reed wahn skripcha ahn den moov aan tu di neks point.

HOW FI DU IT:

• Foakos pahn di mayn werdz er aidyaaz. Afta yu reed wahn skripcha, jraa atenshan tu di paat weh ga fi du wid yu mayn point. Yu ga difrent wayz how yu ku du dis; yu ku reed oava er ripeet di werdz er frayz eena di vers, er yu ku aks wahn kweschan weh help yu aadyans fi si di point weh yu di mek.

• Ripeet di point. If yu mi seh wai yu wahn reed wahn sertn skripcha, den eksplayn how di mayn werdz kanek tu da reezn.

• Shoa how fi aplai di skripcha. Chrai noh bring een infamayshan weh noh nesiseri; stik tu di mayn point. Bays pahn weh yu aadyans don noa bowt di tapik, disaid wat ada infamayshan yu wahn provaid soh dat di persn er di bradaz ahn sistaz ku si an andastan di point weh dehn need fi aplai.