Di Towa da Baybel

Afta di Flod, Noawa son dehn ahn dehn waif mi ga lata chiljren. Dehn famili mi geh biga ahn biga, ahn dehn spred tu aal paats a di ert, jos laik weh Jehoava mi tel dehn fi du.

Bot som a di famili dehn mi chooz fi noh obay Jehoava. Dehn seh: ‘Lesgoh bil wahn siti ahn stay ya. Mek wi bil wahn towa weh soh taal dat ih wahn reech aal di way da hevn. Den evribadi wahn noa bowt wi.ʼ

Jehoava neva hapi wid weh dehn mi-di du. Soh hihn disaid fi stap di bildin werk. Yoo noa how hihn du dat? Sodn-wan hihn mek evribadi staat taak difrent langwij. Kaaz a dat, di peepl staat kaal da siti Baybel, weh meenz “Kanfyoozhan.” Wen dehn kudn andastan eech ada nohmoh, dehn stap di bildin werk ahn moov tu difrent paats a di ert. Noh mata wehpaat dehn gaahn, dehn kantinyu du bad tingz. Yu tink dehn mi ga enibadi weh mi stil lov Jehoava? Wi wahn fain owt eena di neks lesn.