Di Werd a Gaad Da Wahn Chrezha

1. Di Werd a Gaad da laik wahn preshos chrezha,

ih valyu moa dan silva, moa dan goal.

Ih ful a powa an ih ful a wizdom,

ih gi wi komfert fi wi haat ahn soal.

Jehoava mek shoar evri werd weh rait dong

wahn gud fi teech di chroot weh set wi free.

Ih gaid di raitaz wid ih hoali spirit

soh dat di mesij reeli kohn fahn hihn.

2. Dehn rait di chroot bowt Gaad an ih kriyayshan,

ahn how hihn mek di hevn ahn di ert.

Ih mek wahn paradais ahn put too hyoomanz

bot dehn neva obay Jehoava werd.

Di Baibl tel wi bowt wahn sertn aynjel

hoo disrispek Jehoava rait fi rool.

An aala dis bring lata payn ahn saro,

bot den di Baibl gi wi hoap fi chroo!

3. Soh now wi ga gud reezn fi bee hapi:

Jehoava don di rool; ih Son da King.

Ahn now wi preech di gud nyooz bowt di Kingdom

ahn shayr di hoap a blesinz ih wahn bring.

Di Baibl oapm op wahn hapi fyoocha,

ih gi wi fayt ahn hoap ahn chroot ahn pees.

Soh aalwayz chreet dis buk az preshos chrezha;

mek taim fi stodi, pik it op, ahn reed!