Inkorij Wan Anada

1. Az wee inkorij wan anada

fi serv Jehoava fahn wi haat,

wi lov fi hihn ahn fi wi bradaz

soh schrang, ih neva faal apaat.

Di lov wi feel fi wan anada

gi wee di korij fi stay schrang.

Wi kangrigayshan gi protekshan

fahn tingz weh kuda du wi haam.

2. Wen werdz wi seh gi hoap ahn komfert

ahn schrentn bradaz weh feel dong,

wi bil op eena wan anada

di kaina fayt weh neva dowt.

Ih feel soh gud fi werk tugeda,

fi ga wi bradaz bai wi said!

Wi help ahn schrentn wan anada

fi mek it chroo tu Paradais.

3. Wi noa fahn tingz weh hapm rong wi

Jehoava day deh veri kloas!

Wi kyaahn afoad fi mis wi meetin,

da deh wi geh weh wee need moas.

Deep dong, wi waahn serv Gaad fareva;

wi noh giv op, wi noh giv een!

Soh wee inkorij wan anada

fi serv Jehoava faytfuli.