Anúadira humaña humadagu buidu

Gíbeti katei wafurendeirun lídangiñe le asuseredubei houn ísüraelina lidan fulasu mawübüriti Moabü (1 Ko 10:6, 8, 11). Gumesetiña meha wügüriña ísüraelina adüga umadaguaü hama würiña moábüna ha wíyeti houserún, hudugua hagía houn guáriua. Achawaha hamutiña würiña hagía wügüriña ísüraelina, ábati hadügün lun hafigounhan. Wéiriti luriban sun le lanügübei lira (1 Lu 25:9). Uguñe weyu, geyegu waña hau gürigia ha meseriwidunbaña lun Heowá dandu leskuelarugu, kei lidan wadagimanu, wabesinanigu, waduheñu hama amu wasubudiragun. Ka wafurendeirubei lídangiñe abahüdaguni tídangiñeti Bíbülia le luáguti dencha lan gamadagua wamá hama burí gürigia ha?

LÁRIGIÑE HARIHINI BIDÉU ABAHÜDAGUNI LE HUUTI KEI EWERIDIHANI WOUN (MURUSUN LÍDANGIÑE), ÓUNABA HUMÉI ÁLÜGÜDAHANI BURÍ LE:

• Ka katei charati lariñagubei Simürí hama lupaanágu lun Hamín?

• Ida liña líderaguni Finesi Hamín arihei katei keisi lubudubu?

• Ka idan amu lan gamadoun wamá luma aban gürigia le máhuduragunti lun Heowá luéi wamada lan gürigia ligía?

• Ka uagu lunti lubéi wanúadahaniña wamadagu buidu íbini lidan damuriguaü?

• Ka uagu moun lumuti lubéi lidan wamá burí sétanu le adügǘbei luéigiñe gágamuru anhein añahein lubéi gürigia ha ibidiñetiña woun ñein?