29 LIDAN GÁDÜRÜ-HATI DARÍ 5 LIDAN SEINGÜ-HATI
SÁLUMU 34, 35
Uremu 10 luma furíei | Dimurei burí lánina ebelaagülei (1 min.)
1. “Nalawahabei Nabureme súnwandan”
(10 min.)
Alawaha lumuti meha Dawidi Heowá íbini dan meha le gaturobulin lan (Sal 34:1; w07-S 1/3 páh. 22 pár. 11).
Mama meha lau le liyaraabei Dawidi adüga lapantaha lau meha Heowá lapantaha (Sal 34:2-4; w07-S 1/3 páh. 22 pár. 13).
Dan meha lalawahani Dawidi Heowá, ídehati meha lun lederebugudun hafiñen lumadagu (Sal 34:5; w07-S 1/3 páh. 23 pár. 15).
Lárigiñebei meha lesefuruni Heowá Dawidi luéi Akisü, le giñe subudiwabei kei Abimélekü, aba meha hóundarun 400 wügüriña ha meha gaturobulinbaña luma Saulu lumoun Dawidi (1 Sa 22:1, 2). Másiñati lasaminaruña lan meha hawagun wügüriña hagía dan le labürüdünbalin sálumu le (Sl 34, lichügüdina).
ÁLÜGÜDAGUA HUMÁ HUNGUA: “Dan le nayanuhaña lan luma somu lílana damuriguaü, ka burí dimurei gayaraati nayusuruni lun níchugun uéiriguni lun Heowá?”.
2. Darí wamá pérüla lánina lichú aau
(10 min.)
Sal 35:19. Ka meha uagu lamuriaha Dawidi luma Heowá lun mígirun lan lun hámuruhani ha iyereehabúbaña hagu lun mébunouga? (w06-S 15/5 páh. 20 pár. 2).
Ka burí pérüla hadarirubei lidan taliihóun Bíbülia dimaasu le?
3. Aliihani tídangiñe Bíbülia
(4 min.) Sal 34:1-22 (th lek. 5).
4. Gumese huméi yanu
(2 min.) DAN HADARIRUN CHANSI. Dan le ladüraawagún hiyanun lubaragiñe hapurichihan lun gürigia tuagu Bíbülia (lmd arufudahani 1 puntu 4).
5. Giribu humá bisidaña gürigia
(4 min.) DAN HADARIRUN CHANSI. (lmd arufudahani 2 puntu 4).
6. Afuranguagüda huméi hafiñen
(5 min.) Larufudún sügǘ. ijwfq 59. Liri yanu: Ida liña hasubudiruni gefentiña luagu Heowá anhein lunti lubéi hefeduhan ítaga fedu? (th lek. 17).
Uremu 59
7. Ǘrüwa igaburi le ídanbei walawahei Heowá lidan wadamuridagun
(15 min.) Akutihani hama íbirigu.
Ruti adamuridaguni lubuidun chansi woun lun walawahani Heowá. Ariha wamá ǘrüwa igaburi.
Dan le wayanuhan: Ayanuha wamá luagu lubuidun ligaburi Heowá dan le wayanuhan hama amu (Sal 145:1, 7). Aganbaadiwa san o aliihaadiwa san somu ariñahani le íderagubaliwa? Gayaraati san wabahüdahan somu lubuidun sügǘ le wawinwandubei lidan apurichihani? Resibitiwa san gurasu lídangiñe le ladügübei o le lariñagubei somu gürigia? Adügati san somu katei lídangiñe le adüga láalibei Heowá lun taweiridun wanigi? Sun burí katei le, aban idewesei lúmagiñeti Heowá (Snt 1:17). Gachansinbadiwa lun wayanuhan luagu burí katei le ánhawa chülügiñe lidoun adamuridaguni.
Dan le wíchugun óunabagülei: Áfaagua wamá lun wíchugun íbini aban óunabagülei lidan adamuridaguni (Sal 26:12). Gayaraati wíchugun aban óunabagülei le furanguti o wafuranguagüdün ámuya puntu, wayanuhan luagu somu bérusu, tuagu aban iyawaü o luagu ida luba lan wawinwanduni le wafurendeirubei. Gayaraati waransehan fiu óunabagülei lugundun busenbaña giñe amu hóunabun lidan ligiaméme fánreinti. Haritagua waméi ánhawa lan íchiga óunabagülei le aduraruti 30 segundu o ǘnabu luéi, gachansinbaña lan saragu íbirigu lun giñe híchugun óunabagülei keisi “adagaragüdüni” lun Bungiu (Ebü 13:15).
Dan le weremuhan: Eremuha wamá lau ugundani lun Heowá (Sal 147:1). Másiñati michugún lan chansi woun lun wíchugun aban óunabagülei lidan sun adamuridaguni, dántima le weiri lan damuriguaü le ñein wabéi. Lau sun lira, gayaraagili gafanran wamá ánhawa eremuha lau ugundani. Íbini genege lan woun meremuhan wamá buidu, gúndaabei Heowá lau larihini áfaaguni le wadügübei lun walawahani (2 Ko 8:12). Líderagubadiwa wasayahani uremu burí le lubaragiñe woudin adamuridagua.
Arihagüda huméi BIDÉU Lúmagiñe meha dan lügüra: Uremu burí lun lalawahóun Heowá (fánreinti 1). Lárigiñe, ábame hadügüni álügüdahani le:
Ida liña larufudúniwa súdinigubeiñein lan uremu lun lalawahóun Heowá tidan lóundarun íbini lúmagiñe tagumeseha lidan wadaani?
8. Taturiahóun Bíbülia lidan damuriguaü
(30 min.) bt kap. 9 pár. 1-7, ebelaagülei lun fánreinti 3 luma rekuáduru le lídanbei páhina 70.