7-13 LIDAN DIISI-HATI
SÁLUMU 92-95
Uremu 84 luma furíei | Dimurei burí lánina ebelaagülei (1 min.)
1. Weseriwidun lun Heowá, ligía ibagari létima buídubei!
(10 min.)
Gadünati Heowá lun wáhuduragun lun (Sal 92:1, 4; w18.04 páh. 26 pár. 5).
Íderagua lumutiña Heowá lumutuniña lun hanúadirun buidu luma lun gunda hamá (Sal 92:5; w18.11 páh. 20 pár. 8).
Wéiriti hebegi sun ha áhuduragubaña lun íbini ha wéiyougaaña (Sal 92:12-15; w20.01 páh. 19 pár. 18).
ÁLÜGÜDAGUA HUMÁ HUNGUA: “Ka eredehabalina luéi nederegeragun nungua lun Heowá badisei nuguya?”.
2. Darí wamá pérüla lánina lichú aau
(10 min.)
Sal 92:5. Ida liña larufuduni dimurei burí le lichú lau Heowá? (cl-S páh. 176 pár. 18).
Ka burí pérüla hadarirubei lidan taliihóun Bíbülia dimaasu le?
3. Aliihani tídangiñe Bíbülia
(4 min.) Sal 94:1-23 (th lek. 5).
4. Gumese huméi yanu
(4 min.) DAN HADARIRUN CHANSI. Áluaha humá chansi lun hariñaguni lun aban gürigia ida liña lan wíchugun aturiahani tídangiñeti Bíbülia (lmd arufudahani 5 puntu 3).
5. Giribu humá bisidaña gürigia
(3 min.) DAN HADARIRUN CHANSI. Ariñaga humá lun aban gürigia le busenbei lafurendeirun gayara lan híchugun aturiahani tídangiñeti Bíbülia lun, íbini meha mabusenrun lan laturiahanu luagu aban dan (lmd arufudahani 8 puntu 4).
6. Adüga humá disipulugu
(5 min.) Ayanuha humá luma aban gürigia le aturiahabei huma ani mawanserunti lidan laturiahan (lmd arufudahani 12 puntu 5).
Uremu 5
7. Sandiguatiña nibureintiña houngua lau lueirin idiheri
(15 min.) Akutihani hama íbirigu.
Sanditiña giñe lubúeingu Heowá lueirin idiheri. Kei hénpulu, sandiguati Dawidi lungua lau lueirin idiheri saragu wéiyaasu lidan libagari, ani ítara liña giñe hasandiragun saragu íbirigu houngua uguñe weyu (Sal 13:2; 139:23). Híruti, dagati giñe hawagu ha nibureingiñabaña. Anihein dan, gayaraati ladügün lueirin idiheri lun hénrengu lan ladügǘn katei lánina sagü weyu, kei burí labasihóun leskuelarugu luma lun labasihóun lidoun adamuridaguni. Gayaraati ladügün lira lun lasandiragun gürigia lungua lau saragu anufudei luma lun lasaminarun lun láfaragun lungua.
Nibureintiña, ánheindügü hasandiragun hungua lau lanarime idiheri ayanuha humá hama hagübürigu o luma aban íbiri le derebuguhali lidan lafiñen. Mabulieida huméi giñe lun háluahan ídemuei luma Heowá (Fili 4:6). Líderagubadün Heowá (Sal 94:17-19; Isa 41:10). Ariha waméi lani Steing hénpulu.
Arihagüda huméi BIDÉU Góunigi lumutina Heowá. Lárigiñe, ábame hadügüni álügüdahani le:
• Ka bérusu tídangiñeti Bíbülia íderagubalin Steing, ani ka uagu?
• Ida liña lóunigiruni Heowá?
Agübürigu, gayaraati híderaguniña hisaanigu dan le hagagibudagun luma lanarime idiheri. Aganba humaña lau gaguraasuni ani ariñaga huméi houn hínsiñe hamá hun. Íderagua humaña ederebudagüdei hafiñen luagu hínsiñe hamá lun Heowá (Tit 2:4; Snt 1:19). Haritagua huméi gayara lan líchuguni Heowá gurasu luma erei le hemegeirubei hun, ligíati rabá humá luagun.
Anihein san somu íbiri lidan damuriguaü le ñein hubéi le ageindagubei luma lanarime idiheri? Háfuga anihein lan ani ibidiñeti woun, o másiñati subudi wamuti anihein lan, lau sun lira hénrenguti woun lun wasubudiruni ídatima liña lan lasandiragun íbiri ligía lungua. Anihein katei le gayara wabéi adüga lun wóuseruniña sun íbirigu lau ínsiñeni luma lun wadügün lun buidu lan hasandiragun houngua (Ari 12:25; Ebü 10:24).
8. Taturiahóun Bíbülia lidan damuriguaü
(30 min.) bt kap. 16 pár. 6-9 luma rekuáduru le lídanbei páh. 132.