28 LIDAN GÁDÜRÜ-HATI DARÍ 4 LIDAN SEINGÜ-HATI
ARIÑAWAGÚNI 11
Uremu 90 luma furíei | Dimurei burí lánina ebelaagülei (1 min.)
1. Mariñaga huméi!
(10 min.)
Mariñaga humá ni kata le gayaraabei ladügün dañu houn amu gürigia (Ari 11:9; w02-S 15/5 páh. 26 pár. 4).
Mariñaga wamá ni kata le adügübei lun ñein lan fánreinguaü wadan (Ari 11:11; w02-S 15/5 páh. 27 pár. 2, 3).
Mariñaga waméi katei le wasubudirubei, le moun lumuti hasubudiruni amu (Ari 11:12, 13; w20.03 páh. 22 pár. 12, 13).
LUN HARARAMAGUN ASAMINARA: Según dimurei le lariñagubei Hesusu lidan Lúkasi 6:45, kaba íderaguawa lun madügün wama dañu houn amu lau le wariñagubei?
2. Darí wamá pérüla lánina lichú aau
(10 min.)
Ari 11:17. Ida liña lasagarun gürigia le arufudati areini, buiti lídangiñe igaburi le? (g20.1 páh. 11, ariha huméi giñe rekuáduru).
Ka burí pérüla hadarirubei lidan taliihóun Bíbülia dimaasu le?
3. Aliihani tídangiñe Bíbülia
(4 min.) Ari 11:1-20 (th lek. 5).
4. Gumese huméi yanu
(4 min.) DAN HADARIRUN CHANSI. Áluaha humá chansi lun habahüdahan somu katei lun aban gürigia luagu le hafurendeirubei mameme binarü lidan adamuridaguni (lmd arufudahani 2 puntu 4).
5. Giribu humá bisidaña gürigia
(4 min.) DAN HADARIRUN CHANSI. Arufuda ani afuranguagüda huméi aban bidéu le tídangiñeti agumeiraguagüdüni tótima wayusuruboun, gama lumoun, marihagüda huméi (lmd arufudahani 8 puntu 3).
6. Adüga humá disipulugu
(4 min.) APURICHIHANI LIDAN GURIRIGUAÜ. Ayanuha humá luma gürigia luagu aturiahani tídangiñeti Bíbülia, ábameti harufuduni lun ida liña lan wíchugun aturiahani (lmd arufudahani 10 puntu 3).
Uremu 157
7. Mígira humá lun lagidaruni le hariñagubei darangilaü le lídanbei damuriguaü
(15 min.) Akutihani hama íbirigu.
Kei gafigoun wabéi, ñeinbei dan wariñagun katei le moun lumuti wariñaguni (Sant 3:8). Ligíati, anhein gabaroun wamani charati burí le wadügübei dántima le wayanuhan wámagua, líderagubadiwa lun mariñagun wamá katei le uágubei mosu lan wasakürihan lárigiñe. Anihán fiu lídangiñe igaburi le agidarubalin darangilaü lídangiñe damuriguaü:
Mapantahan wamá. Lun wapantahan wawougua gayaraati ladügün lun ñein lan gáganiguaü luma gimugaü hadan íbirigu (Ari 27:2).
Mayanuhan wamá iyeeni. Igaburi le mámarügüñein lun wariñagun iyeeni hanarimeti, mini lan giñe lun hasaminarun amu gürigia katei le mítaranti. Láurügü wariñagun aban iyeeni gayaraati ladügün le, lun heferidiruni gürigia hafiñen wawagu ani gayaraati giñe ladügün lun hayanuhan amu wuriba wawagu (Apur 10:1).
Machurahan wamá. Mini lan wayanuhan iyeeni hawagu amu gürigia o wádaragun woungua lidoun habagari (1 Tim 5:13). Gayaraati ladügün katei le lun ñein lan ageindaguni wadan, ani lun lagumuchun lau úaraguni.
Wayanuhan lau lanarime igañi. Ariñaga wamuti dimurei burí le, dan le wagañidun luma somu gürigia le adügaali aban katei le mínsiñebei woun (Efe 4:26). Gayaraati ladügün dimurei burí le saragu dañu houn amu (Ari 29:22).
Arihagüda huméi BIDÉU Dise wamá luéi sun le adügübei lun ua lan darangilaü(murusun lídangiñe). Lárigiñe, ábame hadügüni álügüdahani le:
Kei gayara lubéi leferidirun darangilaü lidan damuriguaü lau lumenrengun, ka wafurendeirubei lidan bidéu luagu mosu lan wóunigiruni le wariñagubei?
Lun warihini ida liña lan laransehóuniwa turobuli lidan kesi le, ariha huméi bidéu “Áluaha huméi darangilaü ábame hafalaruni”.
8. Taturiahóun Bíbülia lidan damuriguaü
(30 min.) bt kap. 25 pár. 14-21.