Adundehani lun laturiahan gürigia lábugua luma lun áhuduraguni keisi iduheñu

Huduguatiwa lun Heowá úara hama saragu wábirigu lidan adamuridaguni le adügǘbei tidan Luban Adamuridaguni luma lidan adamurini. Lau sun lira, adüga wamuti giñe wábugua luma hama waduheñu. Anihán fiu adundehani le gayaraabei líderagunün lun haturiahan hábugua luma lun hadügüni áhuduraguni keisi iduheñu:

• Aturiaha waméi le lunbei lakutihóun lidan adamuridaguni. Gayaraati giñe wasayahani uremu luma lun waranseruni úara óunabagülei le wabusenrubei wóunabun lidan adamuridaguni.

• Aliiha wamá aban abahüdaguni tídangiñeti Bíbülia. Lárigiñe, gayaraati wadibuhan somu katei luagu sügǘ ligía o wabürühan luagu le wafurendeirubei lídangiñe.

• Aturiaha wamá aban lídangiñe furíei le hadügübei gürigia ha uágubaña tayanuhan Bíbülia. Samina wamá ida luba lan líderaguniwa lun wabuiduragüdüni wafurieidun.

• Ariha wamá aban bidéu lídangiñe jw.org. Lárigiñe, gayaraati wayanuhan luagu le wafurendeirubei lídangiñe hama waduheñu o wabürüdüni le hínsiñebei woun lídangiñe.

• Waranserun lun wapurichihan. Gayaraati wasayahani le lunbei wariñaguni.

• Aríagua waméi le ladügübei Heowá ani ráramagua wamá asaminara luagu le larufudahabei woun lídangiñe. Anhein hádanñadiwa lubéi waduheñu, ayanuha wamá luagu le wafurendeirubei lídangiñe.a