Ídatima luba wafiñerun luagu gayara lan lesefuruniwa Heowá

Aliiha huméi 1 Lúrudu 13:​25–14:4 lun harihini ida liña lan harufudun ísüraelina lilougua afiñeni luagu Heowá luagu aban dan.

Áluaha humá ariñahani luagu le bürüwañubei lubaragiñe o lárigiñe bérusu le hakutihabei. Ka uagu lunti lubéi meha hafiñerun ísüraelina luagu gayara lan lesefuruniña Heowá? (Sal. 78:​12-16, 43-53). Ka adügübei lun heferidiruni hafiñen luagu Heowá? (2 Lur. 1:​26-28). Ida liña larufudun Hosué luma Kalebü luagu amu hamá hawéi ha híbiri ísüraelina? (1 Lur. 14:​6-9).

Áluaha humá lanwoun ariñahani. Ka hamuga meha lunbei hadügüni ísüraelina lúntima hafiñerun luagu Heowá? (Sal. 9:10; 22:4; 78:11). Ka lánibei lafiñerún luagu Heowá luma inebewa lan? (1 Lur. 14:11).

Samina humá ida luba lan hawinwanduni le hafurendeirubei. Álügüdagua humá hungua:

• “Lidan ka sügǘ gayara lan hénrengubei lan nun nafiñerun sunsuinagubei luagu Heowá?”.

• “Ka gayaraabei nadügün lúntima nafiñerun luagu Heowá guentó luma ámuñegü?”.

• “Danme le lagumeserun saragu asufuriruni, ka katei chouru nubéi?” (Luk. 21:​25-28).