Tani Watchtower LÍBURU-AGEI LIDAN INTERNET
Watchtower
LÍBURU-AGEI LIDAN INTERNET
Garifuna
Ǘ
  • á
  • Á
  • é
  • É
  • í
  • Í
  • ó
  • Ó
  • ú
  • Ú
  • ü
  • Ü
  • ǘ
  • Ǘ
  • Ñ
  • ñ
  • BÍBÜLIA
  • AGUMEIRAGUAGÜDÜNI
  • ADAMURIDAGUNI
  • my abahüdaguni 110
  • Timotéu luma Pábulu

Úati bidéu lidan fánreinti le.

Sarí wamuti, anihein mégeiti, siñati larihíniwa bidéu.

  • Timotéu luma Pábulu
  • Niliburun lánina abahüdaguni tídangiñeti Bíbülia
  • Dugumedu to genegeguatu
  • Pábulu luma Timotéu
    Le larufudahabei Bungiu nun tidan Bíbülia
  • Hapurichihan kristiánugu houn lílana saragu néchanigu
    Le larufudahabei Bungiu nun tidan Bíbülia
  • “Íchaaheina gurasu houn afiñetiña”
    Demos “un testimonio completo sobre el Reino de Dios”
  • Busenti meha Timotéu líderaguniña gürigia
    Arufudahani tídangiñeti Bíbülia houn isaanigu
Niliburun lánina abahüdaguni tídangiñeti Bíbülia
my abahüdaguni 110
Paul and Timothy

ABAHÜDAGUNI 110

Timotéu luma Pábulu

NIBUREINTI le barihibei ya luma apostolu Pábulu ligía Timotéubei. Lístüra laganawa Timotéu hama lufamilia. Eunise tiri lúguchu, Loida tiri lagütü.

Nihán lǘrüwan wéiyaasu bisida lani Pábulu Lístüra. Kei burí aban irumu guentó lúmagiñe ya lan luma Berünawé luagu furumiñeti wéiyaasu, apurichiha. Guentó giribuya Pábulu luma Sílasi le lumada.

Subuditi san bun ka lan lariñagubei Pábulu lun Timotéu? ‘Hínsiñeti hamuga san bun biabin numa luma Sílasi?’ Liña lálügüdüni. ‘Gayarati hamuga bíderaguniwa apurichiha houn gürigia lidan fulasu díseti.’

‘Anha’ liña lóunabun Timotéu, hínsiñeti hamuga nun.’ Ligíati, murusun dan lárigiñe aba lígiruniña Timotéu lufamilia aba lidin luma Pábulu luma Sílasi. Gama lumoun, lubaragiñe wafurendeirun somu katei luagu haweiyasun, ariha waméi kañaha lan asuseredubei lun Pábulu. Sügühali 17 irumu lúmagiñe lasaliragun Hesusu lun lidan üma lun Damasükun.

Haritaguabá, ñǘdünti Pábulu Damasüku lun ladügün dañu houn lánigu Hesusu disipulugu, ánheinti guentó disipuluhali giñe! Dan lárigiñe, aba háluahan fiú áganiñu háfaruni Pábulu, ani aba híderaguni disipulugu lun lanurahan. Aba harariragüdüni lidan aban faniñe luéigiñe lubarieirun uburugu, ítara liña híchuguni bóugudi.

Lárigiñe, aba lidin Pábulu Antiokía lun lapurichihan. Ya laguarúa kristiánugu houn disipulugu luagu furumiñeti wéiyaasu. Lárigiñe aba lóunahoun Pábulu luma Berünawé adüga aban wéiyaasu lúmagiñe Antiokíagiñe lun hapurichihan lidan burí ageiraü díseti. Lístüra aban lídangiñe uburugu le bisida habéi, ñein lawinwanda Timotéu.

Guentó, kei burí aban irumu lárigiñe, giribuha Pábulu Lístüra lidan libiaman luéiyasun. Dan le láfuridun Timotéu, Pábulu luma Sílasi, subuditi bun haliñoun lan houdin? Ariha wamoun mapa, furendei wamaamuga.

Map of the places visited by Paul and Timothy

Furumiñe, aba houdin Ikoniu, lárigiñe aba houdin Antiokía. Ñéingiñe aba houdin Turoasi, ábati hásügürün Filipun, Tesalónika luma Beréa. Ariha bumiti san Atenasi tidan mapa? Apurichihati Pábulu ñein. Lárigiñe, sügütiñu aban irumu dimi apurichiha Korintu. Lagumuhóun aba hararamagun luagu murusun dan Éfesu. Ábati hagiribudun tidan waporu lun Sesaréa, aba hawarirun lun Antiokía, ñein lubéi lapusaraha Pábulu.

Ítara liña, aweiyasuhati Timotéu saragu san kilometuru íderaguei Pábulu apurichiha “uganu buiti” ani gumese hagía bandi damuriguaü. Danme le wéiriyaadibu, abanbadibu san ubúein le úaraguati lun Bungiu kei Timotéu?

Adügaü 9:19-30; 11:19-26; kapítulu 13 darí 17; 18:1-22.

Álügüdahani lánina aturiahani

    Garifuna | Biblioteca en Línea (2009-2025)
    Áfurida lídangiñe sesióun
    Agumesera sesióun
    • Garifuna
    • afanreinha huméi
    • Ligaburi larihín
    • Copyright © 2025 Watch Tower Bible and Tract Society of Pennsylvania
    • Ida luba layusurún
    • Wani polítika
    • Laranserawagún dátosu
    • JW.ORG
    • Agumesera sesióun
    afanreinha huméi