Gúnfuliti le tariñagubei Bíbülia

Mámaruguñein abahüdaguni inarüniti luagu le asuseredubei lidan dan le sügühalibei tadimureha Bíbülia, ariñaga tumuti giñe le lunbei lasuseredun ámuñegü, katei le siñá hamuti gürigia adüga. Ligíati wasubudirunbalin lúmagiñe lan Bungiu tiabin Bíbülia. Ka san tariñagubei Bíbülia luagu dan le lunbei liabin?

Adimurehatu luagu aban óunwenbu wuribu lani Bungiu. Lidan wuribu le lagidarubei wuribani hama gürigia wuribatiñu lídangiñe sun Ubóu, ani ladouraguba hau ha eseriwidunbaña lun. Hesukrístu, urúei le lanúadirubei Bungiu, líchuguba ugundani houn lubúeingu Bungiu luma darangilaü, ani masandibaña, móunwengunbaña giñe.

Ma gayarati wagundaarun luagu ladügübei lan Bungiu Ubóu ábanme paraísu? Lun wabagaridun lidan paraísu mosu wadügün somu katei. Lidan lagumuhóun abahüdaguni tidan líburu to furendeitiwa kaba lan wadüga lun wibihini lubuidun burí katei le lúmabei Bungiu houn ha eseriwidubalin. Ligíati, aliihabei FÁNREINTI 8 ani akutihabéi le tariñagubei Bíbülia luagu dan le lunbei liabin.