Arúeihani le lunbei lagumadihani sun Ubóu

Busentibu basubudiruni kaba lan arúeihani agumadihei sun Ubóu?... Larúeihan Bungiu. Ligíaba adüga lun ábanbei lan paraísu sun Ubóu, aban lubuidun fulasu lun waganóun ñein. Busentibu basigirun afurendeira luagu Arúeihani le?...

Lidan sun arúeihani anihein aban urúei. Urúei, liña laguarún lun gürigia le agumadihabei hawagu lílana aban fulasu. Sielu lawinwanda Urúei le agumadihabei lidan Larúeihan Bungiu. Subuditi bun katei lan?... Hesusu. Málühali arúeiha hawagu sun gürigia ha awinwandutiña ubouagu. Ka basaminarubei? Gúndaabei funa san wabagari danme Hesusu lan arúeihei sun Ubóu?...

Ítara liña, wéiribei wagundan! Danme le paraísuhali Ubóu, úaañame gürigia ageindagutiña hámagua, úaalime giñe wuribu. Masandirun haañame gürigia, móunwegun hagía. Gayaraahalime harihin gürigia ha marihinbaña guentó, aganba hagíame ha maganbunbaña. Gayaraahalime hachubaahan luma héibaagun sun ha méibugunbaña. Ani ñeinbei saragu éigini semeeti houn súngubei. Mageindagunhañame animaalugu hámagua ani gayarabei giñe wáhurerun hama. Hawinwandayaba saragu hádangiñe gürigia ha hilaguañabaña. Mini lan lira, hawinwandayaba lan saragu lubúeingu Bungiu kéiburi Rebeka, Raabü, Dawidi luma Elíasi. Hínsiñeti hamuga bun basubudiruniña gürigia ha?...

Wéiriti bínsiñe lun Heowá ani busenti lun gunda lan bibagari. Sigiba afurendeira luagu, ani gaganbadibá lun sun le larufudahabei bun. Anhein badüga, bawinwanduba lun súnwandan lidan aban lubuidun paraísu. Ma hínsiñeti hamuga bun bawinwandun lidan Paraísu?...