Ka tarufudahabei Bíbülia?

Katei san Arümahedón?

Le hasaminarubei fiú gürigia

Saminatiña ábanbei lan agünrinchaguni tau áruma to gayaraati tagumuchaguagüdüni ubóu o somu chagaguaü lánina liñawan dan. Agia huguya, ka hisaminanbei?

Le tarufudahabei Bíbülia

Yúsuati dimurei Arümahedón lun layanuhóun luagu “wuribu le lánina óunwenbu luéyuri Bungiu le Suntigabafu”, le lunbei lagumuchun hau sun gürigia wuribatiña (Arufudúni 16:14, 16).

Ka amu katei tarufudahabei Bíbülia?

• Mageindagunbei Bungiu lidan Arümahedón lun lagünrinchaguni Ubóu, lageindaguba lun masigirun hamá gürigia agünrinchaguei (Arufudúni 11:18).

• Lagumuchuba Arümahedón lau sun wuribu (Sálumu 46:8, 9).

Gayaraabei san wásügürün wínwanñu lídangiñe Arümahedón?

Kaba hamuga hóunaba?

• Anha

• Uá

• Háfuga

Le tarufudahabei Bíbülia

Hásügürüba “saragu gürigia” ha lídangiñetiña saragu néchani wínwanñu lídangiñe “óunwenbu asufuriruni” ani lárigiñe ábame lagumeserun Arümahedón (Arufudúni 7:9, 14).

Ka amu katei tarufudahabei Bíbülia?

• Busenti Bungiu lun hásügürün sun gürigia ha gayaraabaña wínwanñu lídangiñe Arümahedón. Lagumuhóun, ábame lagumuchun hau sun wuribatiña ha masakürihanbaña (Esekiéli 18:32).

• Afuranguagüda tumuti Bíbülia kaba lan wadüga lun móunwegun wamá lidan Arümahedón (Sofoníasi 2:3).