Gumese wamá aturiahani tídangiñeti Bíbülia furumiñeti samudi lidan hati
Lúmagiñe lidan seingü-hati irumu 2011, amisurahóuatiña íbirigu agumesera aturiahani tídangiñeti Bíbülia lidan furumiñeti samudi lidan kada hati. Adügati fánreinti “Álügüdahani tuagu Bíbülia” le áfuridubei tidan Garüdia Atalaya lun ménrenguntima lan woun wagunfulirun lau wadagimanu le. Ligíati, mosu lubéi lafuranguagüdǘniwa lidan adamuridaguni le adügǘbei lubá apurichihani lidan furumiñeti samudi lidan hati ida luba lan layusurún fánreinti le ani arufudúa ligíame ida luba lan ladügǘn.
Wéiyaañaba lidan afiñeni desidírei anhein háfuriduba lubéi lílana sun sétanu le adügǘbei lun lapurichihóun úara lidan furumiñeti samudi sagü hati, másiñati tídangiñeba lan Luban Wadamuridagun háfurida. Gama lumoun, anhein gibe lubéi damuriguaü ayusuroun tuguyaméme Luban Wadamuridagun, moun lumuti lasansirúniwa weyu lánina lagumeserúniwa aturiahani tídangiñe Bíbülia lúnrügü háfuridun sun lílana damuriguaü apurichiha úara.