Buidutimalá wadügüni katei: ayanuha humá hama gürigia lun híchuguni uganu houn dan le mama lan hapurichihaña

Ka uagu súdini lubéi. Dan le wáfuridun apurichiha muna tuagu muna, añahein gürigia mayanuhantiwa hama ladüga madari wamaniña hábiñe. Gama lumoun, gayarati wadariruniña tidan burí busu o taxi, dan le woudin lúbiñe surusia, lidan burí lóurate emeraaguni lidan wadagimanu o leskuelarugu, o lidan amu fulasu. Le labusenrubei Heowá lun gachansin hamá sun gürigia lun haganbuni uganu buiti luáguti Larúeihan (1 Tim. 2:3, 4). Anihein dan mosu wagíaba lan agumesera ayanuha hama gürigia lun gayara lan wíchuguni uganu buiti houn.