Buidutimalá wadügüni katei: arufudaha humá houn ha aturiahabaña huma lun héchudun aturiaha buidu
Ka uagu súdini lubéi? Lun derebugu lan lafiñen aban aturiahati Bíbülia, moun lumuti láurügüba lan arufudahani le ménrenguntimabei tídangiñe labuinchagüdei lisaminan tuma lanigi (Ebü. 5:12–6:1). Mégeiti gürigia le aturiahabei láfaagun saragu, lugundun mosu louchun larihini ka lan lánibei le laturiahabei luma le furendei láalibei luma ida luba lan layusuruni lidan libagari (Ari. 2:1-6). Lun hadariruni aturiahatiña lóunabagüle hálügüdahan, mosu hafurendeirun ida luba lan háluahani hagía houngua. Ánhaña áfaagua tídangiñe sun hanigi lun hawinwanduni le hafurendeirubei aranseñu haba lubá hagagibudagun luma lénrengunga le úmati hadunragua lidan habagari keisi kristiánugu (Luk. 6:47, 48).
Houcha humá hadügüni le lidan sun hati:
Danme le lásurun hakutihan aban subtítulu o kapítulu, amuriaha humá luma aturiahati lun lariñaguni hun lídanrügü fiu dimurei ka lan lafurendeirubei lídangiñe. Anhein ua habéi aturiahatiña huma guentó, houcha humá hasagaruni lídanrügü fiu dimurei ka lan hafurendeirubei lídangiñe somu abahüdaguni le haliihabei tídangiñe Bíbülia o lídangiñe somu párafu tidan Garüdia Awisahatu. Líderagubadün hadügüni katei le lúntima gunfuranda humani le haliihabei.