Yúsuti Hesusu fiu lun léigagüdün saragu

Murusun dan lubaragiñe Luéyuri Esefuruni le lánina irumu 32, adügati Hesusu aban milaguru, milagururügüñein le iridúa lidan gádürügubei ewanhéliu.

Lau milaguru le larufudei Hesusu ida luba lan lasigirun íchigei ariñahani le hemegeirubei lani disipulugu houn lidan wadaani.

14:16-21

• Ariñagati Hesusu houn lani disipulugu lun héigagüdün saragu milu gürigia lau sun séingürügüñoun lan fein hama hama bián úduraü.

• Aba lárügüdünu Hesusu fein hama úduraü, ábati lafurieidun, lárigiñe, aba líchuguni éigini ligía houn lani disipulugu lun hafanreinhani hadan gürigia.

• Adügati Hesusu aban milaguru lau ladügün lun ñein lan éigini houn súngubei darí lun lígiragun. Yúsuti Hesusu fiu lani disipulugu lun léigagüdün saragu milu gürigia.

  

• Ariñagati Hesusu lidan profesía líriduba lan aban sétanu lidan lagumuhóun dan lun líchugun ariñahani lúmagiñeti Bungiu houn lánigu le ítarabei kei “éigini [...] lidan dan” (Mt 24:45).

• Lidan irumu 1919, írida lumuti Hesusu “musu úaraguati ani gunfuranda ligía”, aban liraüraü sétanu hau kristiánugu anuadirúaaña, lun larihin “hau ha lúbiñebaña”, o ha eresibirubalin ariñahani ligía.

• Yusu lumuti Hesusu liraüraü sétanu le lun ladügüni lememe ladügübei lidan furumiñeti sígulu.

Ka lunbei nadügüni lun narufuduni subudi nani ani inebe lan sétanu le layusurubei Hesusu lun líchugun ariñahani lúmagiñeti Bungiu houn gürigia nun ani ida luba narufuduni?