WABAGARI KEISI KRISTIÁNUGU

Anuadirabéi bisebáhari buidu

Ka uagu lunti lubéi wanúadahani wisebáhari buidu? Ladüga dan le wanúadirun aban pelikula, uremu, páhina lidan Internet, líburu o bidéu lánina huraraü, wanúadahañein kaba lan ebelura lidoun wachügü. Ani adügati lira lun lasansirun wagaburi. Uguñe weyu, híruti fuá lan katei le mínsiñeti lun Heowá lidan liibe-agei isebáhari (Sal 11:5; Gal 5:19-21). Ligía tínchahanbaliwa Bíbülia asaminara súnwandan luagu katei le íchugubei uéiriguni lun Heowá (Fili 4:8).

ARIHA HUMÉI BIDÉU KA ISEBÁHARI LUNBEI NANÚADIRUNI?, LÁRIGIÑE, ÁBAME HÓUNABUNI ÁLÜGÜDAHANI BURÍ LE:

Ka idan genegegua lan ageindaguni le hadügübei gawuribuhatiña lidan binadu Roma luma isebáhari burí le aniheinbei uguñe weyu?
Ka gayaraabei hadügüni íbirigu lun híderaguniña nibureintiña anúadaha isebáhari buiti?
Ida liña líderaguniwa Rómana 12:9 anúadaha isebáhari buiti?
Ka burí isebáhari le auti lagundaara Heowá aniheinbei lidan fulasu le ñein lubéi bawinwanda?

ISEBÁHARI LE ÍDANTI LÁNHINGICHA GÜRIGIA O LE ÍDANTI MÁNHINGICHUN LAN?

Liibe-agei dan uguñe weyu, mama mosu ladügün gürigia somu katei lun lásügürün dan buiti. Arufuda lumuti pelikula, líburu luma burí programa le tídanbei bigibigitu le hadügübei amu gürigia ani lun lira, mama mosu wadügün ni kata. Lau sun ua lan ni kata wuribati luagu isebáhari le ídanbei mánhingichun wamá, añahein amu ariñagatiña buídutima lan isebáhari le ídanbei lánhingicha gürigia. Añahein gürigia sügütiña dan buiti adibuha, áfara gidara, garanwoun o katei líbeina lira. Añahein amu himei hamuti katei burí le adügǘbei bóugudi, kéiburi tahurerún bali, héibugun o herederun arumuga bóugudi tidan kianpu. Meberesenga le wanúadirubei lun wásügürün dan buiti, adüga waméi sun katei lun wíchugun “uéiriguni lun Bungiu” (1 Ko 10:31).