Arufudatiwa ínsiñeni dan le wídehan luma Heowá lidan lererehan

Góunigiwati damuriguaü dan le habugún ha masakürihanbaña lídangiñe ani huuti lun labeichún afigouhati le masakürihanbei (1 Ko 5:6, 11). Arufudatiwa ínsiñeni dan le wídehan luma Heowá lidan lererehan. Ida liñati lira anhein adüga lubéi labugún aban íbiri lun hírudun liduheñu hama wéiyaaña lidan afiñeni ha arihibaña lau likesin?

Furumiñe, arufudatiwa ínsiñeni luma inebesei luagu lubuidun liri Heowá luma luagu lilurudun luáguti laruman ibagari (1 Fe 1:14-16). Arufudatiwa giñe ínsiñeni lun gürigia le abugúbei, lugundun lau sun gari lan abeichúni, gayaraati ladügün lun libihin gürigia ligía “ibagari lánina ísuruni luma darangilaü” anhein afurendeira lídangiñe (Ebü 12:5, 6, 11). Anhein madüraagun wamá wamadagua luma gürigia le abugúbei, mámame wídehaña luma Heowá lidan lererehan lun. Haritagua waméi láurügüñein lan le ladünabei gürigia labeichei Heowá (Her 30:11). Ídeha wamá lubeiti luma Heowá lidan lererehan ani sigí wamá eseriwida lun lau úaraguni sunme awanha lan agurabei lagiribudun gürigia le abugúbei lumoun Wáguchi le gudemehabubei (Isa 1:16-18; 55:7).

LÁRIGIÑE HARIHINI BIDÉU ÚARAGUA WAMÁ LUN HEOWÁ TAU SUN WANIGI, ÓUNABA HUMÉI ÁLÜGÜDAHANI BURÍ LE:

• 

  Ida liña hasandiragun agübürigu houngua dan le lígiruni hasaani inarüni?

• 

  Ida luba híderaguniña lílana damuriguaü liduheñu le abugúbei?

• 

  Ka abahüdaguni arufudubalin súdini lan úaraguatima wamá lun Heowá sügǘ lau houn waduheñu?

• 

  Ida liña warufuduni úaraguatima wamá lun Heowá sügǘ lau houn waduheñu?