Arufudaha humá lau ubebeni

Dan le warufudaha lau ubebeni, híchuguba gürigia saragu arigei lun le wariñagubei. Ani gebegibei uganu le wapurichihabei houn. Meberesenga ka lan warasanbei, ka lan wagaburibei sun wagía gayaraati warufudun ubebeni (Rom 12:11). Ida luba wibihini?

Furumiñe, samina humá lau lisudinin uganu le wapurichihabei. Aba lubuidun chansi le wámabei lun “wapurichihani uganu buiti” (Rom 10:15). Le libiaman, samina humá luagu buiti le gayaraabei lanügüni uganu buiti houn ha aganbubalün. Mégeitiña gürigia haganbuni le lubéi wariñaguni houn (Rom 10:13, 14). Lagumuhóun, ayanuha humá tídangiñe sun hanigi, arufuda humá inarüni lan le hariñagubei lau ligaburi higibu, hánhingichuni húgubu luma húhabu.

LÁRIGIÑE HARIHINI BIDÉU SANDÍ WAMÉI UGUNDANI LE LÍCHUGUBEI HADÜGǗN DISIPULUGU LAU WÁFAAGUN LUN BUÍDUTIMA LAN WADÜGÜNI KATEI: WARUFUDAHA LAU UBEBENI, ÓUNABA HUMÉI ÁLÜGÜDAHANI BURÍ LE:

• Ka uagu masandiharu lubéi Neta ubebeni dan le tíchugun aturiahani tun Nirisin?

• Ka íderagubarun Neta lunya tárügüdagun tungua lunya tarufudahan lau ubebeni?

• Ka uagu lunti lubéi wetenirun lun lubuidun hagaburi ha aganbubaliwa?

• Ka buiti lanügübei ubebeni le warufudubei houn ha únbaña wíchiga aturiahani luma houn amu gürigia?