Ka wafurendeirubei lídangiñe libagari Samueli?

Lidan sun libagari Samueli úaraguati lun Heowá. Lúmagiñe liñüraü Samueli anúadirati lun mítaran lan kei Ofuní luma Fineesi ha lisaanigu Elí, ha meha óuserubaña wuriba (1 Sa 2:22-26). Aba aweirideina lan Samueli ani íderagua lumuti Heowá (1 Sa 3:19). Lau sun, derebuguhali lan meha Samueli, sigimémeti gaganbadi lun Heowá íbini máyeiha hamani lisaanigu lani hénpulu (1 Sa 8:1-5).

Ka larufudahabei lani Samueli hénpulu woun? Gayaraati hachoururuni nibureintiña gunfuranda lani Heowá lénrengunga le úmabei hagagibudagua ani subudi lumuti ida liña lan hasandiragun houngua. Líderagubaña lun ganigi hamá (Isa 41:10, 13). Agübürigu ha gasaanigubaña ani aba hadisedun luéi Heowá gayaraati habihin gurasu lau harihini siñá lan meha lafosuruniña Samueli lisaanigu ha wéinamuhaña lun hafalaruni lilurudun Heowá. Ígira lumuti Samueli sun katei lúhaburugu Heowá, ani sigiti úaragu lun lau lagundaaragüdüni Lúguchi le siélubei. Másiñati ladügün lubuidun hénpulu le hani agübürigu lun hagiribudun hasaanigu lun Heowá.

LÁRIGIÑE HARIHINI BIDÉU FURENDEI WAMÁ HÁMAGIÑE: SAMUELI, ÓUNABA HUMÉI ÁLÜGÜDAHANI BURÍ LE:

• 

  Ida liña larufudun Samueli ganigi lan dan meha le ñǘraügili?

• 

  Ida liña larufudun Danny ganigi?

• 

  Ka hénpulu buiti líchugubei Samueli dan meha le aban lubéi wügüri derebuguhali?

• 

  Ka hénpulu buiti híchugubei lagübürigu Danny?