WABAGARI KEISI KRISTIÁNUGU
“Lunti ladireirun kada aban hídangiñe murusun lídangiñe le lagañeirubei”
Lunti wadügün aransehani lun wíchuguni wani budagia. Lunti ‘wadireirun murusun lídangiñe le wagañeirubei’ ítara kei lariñaguni apostolu Pábulu (1 Ko 16:2). Ánhawa adügei ítara, wídehaba lidan áhuduraguni inarüniti ani gúndaabadiwa. Másiñati wasaminarun mebegi lan budagia le wíchugubei, lau sun lira, gebegiti lun Heowá saragu dan le wáfaagun tídangiñe sun wanigi lun wíchugun uéiriguni lun lau katei gebegiti le wámabei (Ari 3:9).
LÁRIGIÑE HARIHINI BIDÉU SEREMEI LUAGU HADIREIRUN MURUSUN LIDANGIÑE LE HÁMABEI, ÓUNABA HUMÉI ÁLÜGÜDAHANI BURÍ LE:
Ka uagu buidu lubéi lun wadügün aransehani lun wíchugun budagia?
Ka hadügübei fiu íbirigu lun ‘hadireirun lídangiñe le hagañeirubei’ lun híchugun budagia?