Ka uagu anihagua lubéi wuribu luma anarimeni?
Tidan Bíbülia dariwati kátima lan uagu anihein lubéi wuribu luma anarimeni ani ariñagatu giñe ka lan uagu wasigira asufurira uguñe weyu.
FIGÓU
Kei adüga lubaliña Bungiu Adán tuma Ewa lenege guánarügü, mini lan, háyeihabei lan meha ligaburi kéiburi: ínsiñeni luma darangilaü (Agumesehani 1:27; 1 Korintuna 14:33; 1 Huan 4:8). Ma lirun aba lan maganbadi hamá lun Bungiu ani aba hafigounhan. Kei hadügawagun lubéi wagía, galagante wamuti figóu luma óunweni (Rómana 5:12). Anihein dan saminatiwa katei wuribati ladüga figóu ani gayaraati lanügüniwa katei le óusera lau furundei (Agumesehani 6:5; Márükosu 7:21, 22).
GUMADIMATIÑA
Madügün lumutiwa Bungiu lun wagumadiragun woungua. Ariñagatu Bíbülia: “Bungiu Heowá, subudi numuti luagu ua lan yu lan lémeri wügüri lun” (Heremíasi 10:23 TNM). Ligía siñá lubéi hagidaruni gumadimatiña wuribu luma anarimeni sunsuinagubei.
SATÁNASI HAMA LUMAFIANU
Ariñagatu Bíbülia “luagu lábugiñeñanu lan lubafu Mafia sun ha lánigubaña ubóu” (1 Huan 5:19). Satanási le Mafia, gáfarahaditi ani magudemehábuti (Huan 8:44). Ligía hau sun lumafianu ínchaha hamutiña gürigia lun houdin awuribuha lau furundei (Arufudúni 12:9, 12).
Siñati hagidaruni gürigia wuribu luma anarimeni sunsuinagubei, anati Bungiu gayara lumuti adüga.