Tigaradan relihión lidan wuribu le Ukraniabei | Ka san tariñagubei Lererun Bungiu?

Ariha huméi ariñahani le áfuachubei luagu le hariñagubei tábutigu ligilisi libügürü wuribu le Ukraniabei.

• “Mariñagungili Kirill, tábuti ligilisi ortodóksa Rusia, ni kata luagu lawuribuhan Rusia lau furundei […]. Iyeeni le taburuchaguagüdübei liligilisin luagu Ukrania ligía layusurubei Putin lun laricharaguagüdüni lawuribuhan” (EUobserver, 7 lidan ǘrüwa-hati, irumu 2022).

• “Ariñagati Kirill […] luagu lan figóu le ladügübei Ukrania lawuribuhanbei Rusia luma. Anihántima dimurei furanguti le lariñagubei, le arufudubei luéigiñeñein lan lóubadina lawuribuhan lageira luma Ukrania” (AP News, 8 lidan ǘrüwa-hati, irumu 2022).

• “Biní lumutiña hábuti fádirigu luma tábuti ligilisi ortodóksa Ukrania Epifanio I lídangiñe Kiev, lumutuniña leindi, ani ínchaha lumutiña lun hageindagun hama rusiana ha ábürühabaña hawagun. Ariñagati giñe mama lan figóu háfarawagun súdaragu rusiana” (The Jerusalem Post, 16 lidan ǘrüwa-hati, irumu 2022).

• “Íderagua wamutiña súdara Ukrania hama ha ageindagubaña luéigiñe wóubadina. Biní wamuti sun áfaaguni le hadügübei lun hóunigiruni Ukrania luéi ágani ani furíeitiwa luagu hafulesein” (Según tariñaguni Declaración del Consejo de Iglesias tuma Óundaruni Lánina Relihión Ukrania, a 24 lidan bián-hati, irumu 2022).

Ka hisaminanbei? Saminatün san buidu lan tínchahaniña aban ligilisi to ariñaguboun tuougua falá hamani Kristu lun hidin tánigu awuribuha? Ka tariñagubei Lererun Bungiu?

Sügǘ burí luáguti relihión luma wuribu

Arufudati abahüdaguni gibe tan ligilisi to ariñaguboun áluaha tan lun ñein lan darangilaü, lau sun lira, luéigiñeñanu lóubadina wuribu ani ariñagatiña anihein lan dan mariban lan lun lawuribuhóun. Afuranguagüda hamaali gefentiña luagu Heowá luagu saragu irumu, tarufuduña lan relihión burí tuguya bianguaü igibu. Ariha huméi le ariñawagúaalibei tidan burí somu wani agumeiraguagüdüni:

• Lidan ariñahani “Las cruzadas: ‘trágica ilusión’”, afuranguagüdawati gadurun tan ligilisi Katolika rómana luagu saragu áfarahani lidan liri Bungiu luma Kristu.

• Lidan ariñahani “La Iglesia Católica y África”, afuranguagüda lumuti siñagua tan relihión tungua lun tararamuni awuribuhani le hádanbei lílana amu türibu luma háfaragun saragu gürigia hámagua.

• Lidan ariñahani “¿Tiene la culpa la religión?”, “El papel de la religión en las guerras” luma “La religión toma partido”, arufuda lumuti añahein lan fádirigu katoliku, ortodóksa, hama banheliu luéigiñe bián oubaü ídeha lidan saragu wuribu le aniheinhalibei.

Lunti san tídehan ligilisi kristiánu lidan wuribu?

Le larufudahabei Hesusu: “Hínsiñe hamá bíbirigu bun kei bínsiñegua bungua” (Matéu 22:39). “Hínsiñe hamá háganiñu hun” (Matéu 5:44-47).

Le larufudahabei Hesusu: “Mama lánina ubóu le narúeihan; lun hamuga ítara lan, hageindaguña hamuga nánigu lun mederegerúniwa nan” (Huan 18:36). “Sun ha áfarahatiña tau eféin, tauba giñe eféin hafarúa” (Matéu 26:47-52).

Samina huma luagun le: Anhein meha moun lumuti lubéi háfarahan ha afalarubalin Hesusu tau eféin lun hóunigiruni Hesusu, buiti hamuga san lun hadügüni luagu amu resun? Lun harihini abahüdaguni hawagu furumiñetiña kristiánugu ha meha afalarubalin lani Hesusu hénpulu luma le larufudahabei lau úaraguni, aliiha huméi ariñahani “El cristianismo y la guerra: ¿son compatibles?”

Kaba asusereda lun burí relihión le ídehabei lidan awuribuhani?

Afuranguagüda tumuti Lererun Bungiu maha lan Bungiu tun burí relihión to ariñaguboun tuougua falá tani larufudahan Hesusu, ani le linarün katei madügün tumuti (Matéu 7:21-23; Titu 1:16).

• Arufuda tumuti líburu Arufudúni gadurun tan burí relihión to ligibugiñe Bungiu luagu hounwen “sun ha áfarawaguañabaña ubouagu” (Arufudúni 18:21, 24). Anhein busén hubéi hasubudiruni ka lan uagu, aliiha huméi ariñahani “¿Qué es Babilonia la Grande?”.

• Ariñagati Hesusu luagu lagumuchuba lan Bungiu tau sun relihión to unboun lamahada, ladüga sun katei wuribati le hadügübei tílana, kei aban wewe le wuribati, mabuidunti lin “cháünwati, aba ladügǘniwa” (Matéu 7:15-20). Anhein busén hubéi hasubudiruni ida luba lan lasuseredun katei le, aliiha huméi ariñahani “¡Se acerca el fin de la religión falsa!”.

Photo credits, left to right: Photo by Sefa Karacan/Anadolu Agency/Getty Images; Maxym Marusenko/NurPhoto via Getty Images