Áfarati COVID sisi míñunu gürigia | Ka tariñagubei Bíbülia?

Según Óundaruni to Arihiboun lau Átuadi lidan sun Ubóu, lúmounbei 23 lidan seingü-hati, irumu 2022, hilaaña 6.27 míñunu gürigia ladüga COVID-19. Íbini ítara, lidan aban ñunsu le áfuridubei weyu 5 lidan seingü-hati, irumu 2022, ariñagaaru meha Óundaruni to Arihiboun lau Átuadi lidan sun Ubóu másiña lan gíbetima hamá gürigia ha óunwegubaña. Ariñagatu kéiburi lan labadinagua irumu 2020 luma 2021, “hilá hamá kéiburi 14.9 míñunu gürigia ladüga sandi COVID-19”. Ariñagatu san Bíbülia somu katei luagu lanarime lamiselu le?

Ariñagatu Bíbülia ñeinbei lan burí sandi gáfarahati

•  Ariñagati Hesusu lidoun lanme buga dan le unbei tagúara Bíbülia “lagumuhóun dan”, ñeinbei lan buga lanarime burí sandi (Lúkasi 21:11; 2 Timotéu 3:1).

Lagunfuliruña profesía le uguñe weyu. Lun hasubudirun lanwoun, aliiha huméi ariñahani “¿Cuál es la señal de ‘los últimos días’ o ‘los tiempos finales’?”.

Rutu Bíbülia gurasu woun

•  “Aranseñu liña [Bungiu] lun líchugun gurasu woun súnwandan. Ruti giñe dǘgüdaguaü woun lidan sun wasufurirun” (2 Korintuna 1:3, 4).

Saragu gürigia, féridihaña haduheñu lidan óunweni ani darihaña gurasu tidan Bíbülia. Aliiha huméi ariñahani le gíribei: “Adundehani huuti lun hasigirun hubaruaguóun” luma “Ídemuei le buídutimabei houn egeburihatiña”.

Ariñaga tumuti Bíbülia kaba lan lárani turobuli le

•  “Ñǘbuinla barúeihan; adügüwalá bugundan ya ubouagu kei ladügǘniwa sielu” (Matéu 6:10).

Málühali “larúeihan Bungiu” adüga lun lagunfulirun dimurei le: “Mariñagunbei ni aban lílana fulasu: ‘Sándiñadina’” (Márükosu 1:14, 15; Isaíasi 33:24). Lun hasigirun afurendeira luagu arúeihani le luma luagu le lunbei ladügüni, ariha huméi bidéu Katei san Larúeihan Bungiu?

Agunbiraha wamutün asubudirei le tariñagubei Bíbülia. Ítara, hadariruba, dandu huguya kei hiduheñu, adundehani burí buiti luma lubuidun füramasei le gayaraabei líderagunün.