Wuribu | Kaba ladüga Larúeihan Bungiu?

Lidan sun ubóu, barüti wuribu saragu igarigu luma asufuriruni. Teni humá lun ariñahani le asigirubei:

•  “Irumu le ásügürübei, gíbetimatiña gürigia ha óunwegubaña ladüga wuribu —létima asuseredubei Etiopía luma Ukrania— sügǘ lau amu irumu lúmagiñe irumu 1994” (Instituto de Investigación para la Paz de Oslo, 7 lidan sisi-hati, irumu 2023).

•  “Wuribu le asuseredubei Ukrania, ligía aban lídangiñe ageindaguni le aganwoundubei lidan irumu 2022. Lidan sun ubóu, aba laganwoundun anarimeni ladüga polítika lun 27 lídangiñe san ani barüti wuribani houn kei burí 1,700 míñunu gürigia” (Proyecto de Datos de Localización y Eventos de Conflictos Armados [ACLED], 8 lidan bián-hati, irumu 2023).

Rutu Bíbülia emenigini woun. Ariñagatu: “Ladügüba Bungiu le siélubei aban arúeihani le siñabei lagünrinchaguni […] ni aban néchani” (Danieli 2:44). Layusurubei Bungiu arúeihani le lun lagumuchun lau “wuribu chülǘ lumoun lagumuhóun larigeirugu ubóu” (Sálumu 46:9).