Lagumuchuba Hesusu lau wuribu

Dan le ya lubéi Hesusu ubouagu, arufudati hínsiñe hamá gürigia lun saragu, darí lun líchuguni libagari hawagu. (Matéu 20:28; Huan 15:13). Yarafa madise larufuduba ábanya wéiyaasu weiri lan wínsiñe, kei ligía lan urúeibei lidan Larúeihan Bungiu, lagumuchaguba lau wuribu “chülǘ lumoun lagumuhóun larigeirugu ubóu” (Sálumu 46:9).

Ariha humá ka lan tariñagubei Bíbülia luagu le lunbei ladügüni Hesusu:

•   “Lesefurubaña gudemetiña ha ayumuragubaña, hama giñe ha míderawagunbaña. Gudemehabubei houn ha gudemebaña, lesefurubei habagari gudemetiña. Lesefurubaña hawéi ha óuseragubaliña” (Sálumu 72:12-14).

Ida luba warufudun eteingiruni luagu le adüga láalibei luma le lunbei ladügüni Hesusu wawagu? Aban igaburi buiti lun gayara lan wadügüni, wasigirun afurendeira luagu “uganu le luáguti larúeihan Bungiu” le meha lapurichihabei Hesusu (Lúkasi 4:43). Aliiha huméi ariñahani le gíribei “Katei san Larúeihan Bungiu?”.