Lun máisturugu wamá ha buítiña mosu waranserun lubá warufudahan

Biámañein wéiyaasu ladügǘn ligiaméme álügüdahani lun Hesusu libügürü ibagari magumuchaditi. Lidan kada aban, óunabati Hesusu según le lemegeirubei gürigia (Luk. 10:25-28; 18:18-20). Ítarameme, íbini subudi wamaali lan ariñahani le lunbei wakutihani luma gürigia le aturiahabarun Bíbülia wama, mosu waranserun lubá kada aturiahani le lunbei wíchuguni lun, gabaroun wameime le lemegeirubei. Ka arufudahani hénrengutimabei lun lun gunfuranda lani o lafiñerun luagu? Ka burí lídangiñe bérusu le lídanbei párafu lunbei waliihani danme waturiahan? Átiribei párafu wakutihan? Háfuga buídubei wasaminaruni kaba burí lan hénpulu wayusura, kaba lan wafuranguagüda lun aturiahati o kaba burí lan álügüdahani wadüga lun wíderaguni gunfurandei le laturiahabei. Ani kei Heowá lubéi aweiridagüdübalin lila inarüni tidan hanigi gürigia, mégeitiwa wamuriahan luma lun labiniruni gürigia le aturiahabei wama, aranseruni le wadügübei lubá wíchigun aturiahani lun luma áfaaguni le wadügübei lun wíderaguni adüga umadaguaü luma (1 Ko. 3:6; Sant. 1:5).