ARUFUDAHANI GEBEGITI TÍDANGIÑETI BÍBÜLIA | AGUMESEHANI 32, 33

Háfaaguña san lun hibihin abiniruni lúmagiñe Heowá?

32:24-28

Anhein busén wabéi lun labiniruniwa Heowá, mosu wáfaagun lun wíchuguni Larúeihan furumiñe lidan wabagari (1 Ko 9:26, 27). Dan le meha wéiyaali Hakobu, arufuda lumuti woun ka lan igaburi lunbei wakipuruni lidan weseriwidun lun Heowá. Ida liña warufudun wáfaaguña lan lun labiniruniwa Heowá?

Lau waranserun buidu lubá adamuridaguni.
Lau gabügürügua lan wáfuridun apurichiha.
Lau wáfaagun lun wíderaguniña wábirigu.

Fiu iyawaü lidan aban: Aban úguchuru nibureingiru to beresegutu: 1) Afurieida lun Bungiu dan le tásaarun binaafin; 2) íchiga éigini tun tisaani lubaragiñe táfuridun apurichiha; 3) apurichiha lau ugundani hau bián tisaanigu würiña hama amu íbirigu würiña ha lílana damuriguaü

Íbini hénrenguya lan gádantiwa, mosu wamuriahan luma Heowá estodi lun líderaguniwa luma lun labiniruni áfaaguni le wadügübei lun weseriwidun lun.

ÁLÜGÜDAGUA HUMÁ HUNGUA: “Ka idan gayaraatima lan náfaagun lidan nibagari lun labinirunina Heowá?”.