UREMU 141
Aban milaguru ibagari
Lun imprimírua lan
(Sálumu 36:9)
1. Sun irahü le lídanbei ubóu,
Weyu, duna, éigini, bíchugun woun,
gúndaatiwa lau sun le ñǘbuinbei
búmagiñe, Bungiu le gabagaribei.
(LEYA ÁGUYUGUAGÜDÜWABEI)
Seremei, Bungiu, luagu ibagari.
Kaba níchiga bun luagu le badügübei?
Naganbubei bererun tau sun nanigi.
Seremei niña bun, Nubungiute Heowá.
2. Kei anihein lan éibaahouni woun,
ñeinbei le mawandunti lóuchawagun.
Mígirun nubéi Núguchi Heowá,
úaraguamemebadina lun sun dan.
(LEYA ÁGUYUGUAGÜDÜWABEI)
Seremei, Bungiu, luagu ibagari.
Lauba hínsiñe gürigia nun neteingirei.
Naganbubei bererun tau sun nanigi.
Seremei niña bun, Nubungiute Heowá.
(Ariha huméi giñe Hob. 2:9; Sal. 34:12; Apur. 8:15; Mat. 22:37-40; Rom. 6:23).