GUMESE HUMÉI YANU
ARUFUDAHANI 3
Areida humá
Adundehani tídangiñeti Bíbülia: “Le hínsiñehabubei […] areidati” (1 Ko. 13:4).
Le meha ladügübei Hesusu
1. Ariha huméi BIDÉU o aliiha huméi Huan 9:1-7. Ábameti hasaminarun luagun álügüdahani burí le:
Ka meha ladügübei Hesusu furumiñe: layanuhan lun wügüri marihinti ligía luagu uganu buiti o lareidaguagüdüni? (Ariha huméi Huan 9:35-38).
Ka meha uagu aranseñu liña lubéi wügüri ligía lun laganbuni Hesusu?
Ka wafurendeirubei lúmagiñe Hesusu?
2. Chóurutimati laganbubadiwa lan gürigia anhein asandira samina wamá luagun le gádanbalin.
Áyeiha huméi Hesusu
3. Rugua humá hungua lidoun lilugaarun gürigia. Houcha humá hasaminarun luagun ida liña lan lasandiragun gürigia lungua.
Álügüdagua humá hungua: “Anihein funa san somu katei le adügüti lun láhüchürün? Ka lídangiñe le lunbei wariñaguni lun gayaraabei hínsiñe lan lun o lahuudun lun?”. Líderagubadün álügüdahani burí le lun harufudun ínsiñehabuni houn gürigia tídangiñe sun hanigi.
Arufuda huméi lun gürigia busén humá haganbuni lau híchugun arigei lun le lariñagubei. Anhein labahüdagua liturobulin hun o ida liña lan lasandiragun lungua, magumesera humá ayanuha luagu amu katei.
4. Gamadóu humá ani ayanuha humá lau inebesei. Dan le sandí wamá gudemehabu luagu gürigia le úmabei wayanuha ani le lúgubu busén wamá wíderaguni, arihúati lira lidan ligaburi wayanuhan. Ligíati, anúadira huméi buidu kaba lan hariñaga luma ida luba lan hariñaguni. Mariñaga humá ni kata le gayaraati ladügün lun lasandiragun gürigia lungua wuriba.
5. Íderagua humaña gürigia. Íderagua humaña gürigia danme le harihini buídubei lan lun hadügüni. Anhaün adüga katei buiti hawagu amu, ménrenguntimabei hun hatatirun yanu hama.