LANWOUN ARIÑAHANI 1
Inarüni burí le hínsiñebei woun warufudahan
Ariñagati Hesusu danme lan haganbuni gürigia ha harumabaña anigi inarüni gayaraabei lan hasubudiruni ligía lan inarünibei (Huan 10:4, 27). Ligía busén wabéi warufudahani inarüni tídangiñeti Bíbülia lidan aban igaburi le ménrengunti gunfurandawa lan houn sun gürigia ha aganbubaliwa. Gayaraati wagumeserun lau wariñagun “Subuditi san hun…?” o “Aganbañahaadün san…?”, ábameti wíridun aban inarüni tídangiñeti Bíbülia. Lárigiñe, ábame warufudun aban bérusu tídangiñeti Bíbülia lun gürigia le afuranguagüdübalin inarüni ligía. Ítara liña wayanuhan luagu aban inarüni luma aban gürigia kamá hamuga wábunuña aban ilaü tidan lanigi. Ani gayaraati ladügün Bungiu lun labouchun ilaü ligía luma lun laweiridun! (1 Ko. 3:6, 7).
ÁMUÑEGÜ
Subuditi san hun…
Aganbañahaadün san…
1. … arufuda lani luriban burí sügǘ le anügübei fulasu uguñe weyu, luma ligaburi hóuserun gürigia, luagu ñeinbei lan óunwenbu burí asansiruni ubouagu yarafa madise? (Mat. 24:3, 7, 8; Luk. 21:10, 11; 2 Tim. 3:1-5).
2. … magünrinchawagunbei lan Ubóu le ídanbei wawinwanda? (Sal. 104:5; Apur. 1:4).
3. … lachülürüba lan dan lun mawiyedúnwaali lanme Ubóu ani ábanhali lanme paraísu? (Isa. 35:1, 2; Aruf. 11:18).
4. … lachülürüba lan dan lun úaali lanme sandi? (Isa. 33:24; 35:5, 6).
5. … gayaraabei lan hawinwandun lun súnwandan ya ubouagu? (Sal. 37:29; Mat. 5:5).
IDUHEÑU
Subuditi san hun…
Aganbañahaadün san…
6. … lunti lan hínsiñe tan lani wügüri weiriou lun “kei línsiñegua lungua”? (Efe. 5:33; Kol. 3:19).
7. … lunti lan inebe lan tani würi weiriei tun? (Efe. 5:33; Kol. 3:18).
8. … lunti lan úaragua hamá maríeitiña hámagua? (Mal. 2:16; Mat. 19:4-6, 9; Ebü. 13:4).
9. … buídubei lan lidin houn isaanigu ha inebehabubaña houn hagübürigu, gaganbadi hagía houn? (Ari. 1:8, 9; Efe. 6:1-3).
NASA, ESA and the Hubble Heritage Team (STScI/AURA)-ESA/Hubble Collaboration. Licensed under CC BY 4.0. Source.
BUNGIU
Subuditi san hun…
Aganbañahaadün san…
10. … giri lan Bungiu? (Sal. 83:18, Reina-Valera, 1960; Her. 10:10, RV).
11. … anihein lan aban uganu lúmagiñeti Bungiu woun? (2 Tim. 3:16, 17; 2 Fe. 1:20, 21).
12. … richá lan Bungiu ani ua lan himei lan aban gürigia luéi aban? (2 Lur. 10:17; Adü. 10:34, 35).
13. … busén lan Bungiu líderaguniwa? (Sal. 46:1; 145:18, 19).
FURÍEI
Subuditi san hun…
Aganbañahaadün san…
14. … busén lan Bungiu lun wafurieidun o wayumuragun lun? (Sal. 62:8; 65:2; 1 Fe. 5:7).
15. … arufudaha tani Bíbülia woun ida luba lan wayumuragun o wafurieidun lun Bungiu? (Mat. 6:7-13; Luk. 11:1-4).
16. … lunti lan gabügürügua lan wafurieidun o wayumuragun? (Mat. 7:7, 8; 1 Tesa. 5:17).
HESUSU
Subuditi san hun…
Aganbañahaadün san…
17. … aban lan meha máisturu buiti Hesusu ani anihagua lan adundehani le meha líchugubei ahuuda woun uguñe weyu? (Mat. 6:14, 15, 34; 7:12).
18. … ariñaga lani meha Hesusu kaba burí lan katei anüga fulasu uguñe weyu? (Mat. 24:3, 7, 8, 14; Luk. 21:10, 11).
19. … Liráü lan Bungiu Hesusu? (Mat. 16:16; Huan 3:16; 1 Huan 4:15).
20. … mama lan Hesusu Búngiubei le suntigabafu? (Huan 14:28; 1 Ko. 11:3).
Based on NASA/Visible Earth imagery
LARÚEIHAN BUNGIU
Subuditi san hun…
Aganbañahaadün san…
21. … aban lan agumadihani sielu Larúeihan Bungiu? (Dan. 2:44; 7:13, 14; Mat. 6:9, 10; Aruf. 11:15).
22. … lagumuchuba lan Larúeihan Bungiu lau burí agumadihani le ubouagubei? (Sal. 2:7-9; Dan. 2:44).
23. … Larúeihanrügübei lan Bungiu gayara laransehani sun haturobulin gürigia? (Sal. 37:10, 11; 46:9; Isa. 65:21-23).
ASUFURIRUNI
Subuditi san hun…
Aganbañahaadün san…
24. … mama lan Bungiu adügübei lun wasufurirun? (2 Lur. 32:4; Sant. 1:13).
25. … Mafia lan agumadihabei ubouagu? (Luk. 4:5, 6; 1 Huan 5:19).
26. … ariha lani Bungiu hasufurirun ani busén lan líderagunün? (Sal. 34:17-19; Isa. 41:10, 13).
27. … málühali lan Bungiu agumucha lau asufuriruni? (Isa. 65:17; Aruf. 21:3, 4).
ÓUNWENI
Subuditi san hun…
Aganbañahaadün san…
28. … ibidiñe lan ni kata houn hilaaña ani mama lan hasufuriruña? (Apur. 9:5; Huan 11:11-14).
29. … siñá lan híderaguniwa hilaaña ni hadügün wuribani woun? (Sal. 146:4; Apur. 9:6, 10).
30. … háguyuguba lan waduheñu ha hilaguaañabaña? (Hob. 14:13-15; Huan 5:28, 29; Adü. 24:15).
31. … lachülürüba lan dan lun úaali lanme óunweni? (Aruf. 21:3, 4; Isa. 25:8).
RELIHIÓN
Subuditi san hun…
Aganbañahaadün san…
32. … mama lan sun relihión lun lagundaaruba lan Bungiu tau? (Her. 7:11; Mat. 7:13, 14, 21-23).
33. … iyereegu lan bianguaü igibu lun Bungiu? (Isa. 29:13; Mik. 3:11; Mar. 7:6-8).
34. … ínsiñeni lan arufudubalin woun ka lan relihión inarüniboun? (Mik. 4:3; Huan 13:34, 35).