UREMU 48
Adüga waméi lugundan Heowá sagü weyu
Lun imprimírua lan
(Mikeasi 6:8)
1. Keimoun súngubei wagía
louba louba Wáguchi Heowá,
lau wadügüni lugundan
luma lau gaganbadi wamá.
Hínsiñehabuti Bungiu;
rúguatiwa woungua lun
lun wadügüni lugundan
tau anigi dayarütu.
2. Kei yarafaali lan weyu
lun lagidarún wuribani,
wéiriti ligañi Mafia
hama ha afalarubalin
ani héibaahañadiwa
lau furundei súnwandan,
lun hanufudehaniwa,
lun wadisedun luéi Heowá.
3. Ruti Bungiu ídemuei woun
lau laganbuni wafurieidun,
lau waliihanu Lererun
luma lau wadamuridagun.
Danti le falá wamani
sun larufudahan woun,
óunaha lumuti Bungiu
lani sífiri sandu woun.
(Ariha huméi giñe Agu. 5:24; 6:9; 1 Uru. 2:3, 4).