¿She t’e pa Dios?

Caaj pa nasheesh ve’lha Dios yijô’ lhanquei Jeova. Pa Biblia yit’esh: “Ca nitô’ya papu ti avaatsha ei Jeova, ti ave’lha ti t’aashchisham ti t’ash’apee lhacôm’a na cotsjaat” (Salmo 83:18, TNM). Lhavaatsha yiei pa vôôs pa sasjop ca shtavan pa lhech. Pa Dios shinen chi’ ti yen ca shtenelh pa lhech (Salmo 31:23). Yen shta ca shten pap’elh (Mateo 22:39). Ampapu ca elhchaa ca nash’apee lhayaash ti yivĉlanjat lhacôm’a.

Vatjutsa’esh pa Dios ti yivĉlanjat lhapesh pa ve’lha ángel t’un’in jum. Navôque nalhus shtantôfaĉshelh ti lhech pa Jesucristo. Pa Dios yivĉlanjat shta pap’elh ángeles.

Pa Jeova yivĉlanjat lhacôm’a pava yiei pa vôôs... chi’ lhacôm’a nava yi’e na cotsjaat (Apocalipsis 4:11)

Pa Jeova yivĉlanjat na vôôs chi’ lhacôm’a pava yi’e na cotsjaat (Génesis 1:1).

Lhavaatsha yichenesh na cotsjaat ti yisnatesh pa vatjutsa’ nivaĉle lhei Adán (Génesis 2:7).