¿Ta t’e lhayaash ti vaf pa Jesús lhapesh?

Pa Jesús ti vaf isjop ca casmônlhaasha’ne yinjôt (Juan 3:16)

Pu’janach’e pava nalhus ti vaf pa Jesús, papi na yi’e ôĉĵeĉlôy yichey pa nivalhech pa yivan ti ampa ca nôv’acfi pa lhavu’vat. Pa Jeova yinenjatchisham pa Jesús.

Ĉlech’e ĉlee pa tanôĉlitem pa Jesús papi t’eijatsjanjas.

Pa Jeova yinenjatchisham pa lhech lhjunashjulh pa ángel t’un’in nilhjunashajulh pa nivaĉle. Pa Jesús tan ca ve’lheesh ca nivaf. Papi t’eijatsjanjas pa Jesús yivanesh ti vapeĉleichisham na vôôs.

Pa Dios yinenjatchisham pa Jesús lhayaash ti yenesh pa lhech ti yivanĉleyanesh pa Lhanvaĉleyash (Daniel 7:13, 14)

Pa Jesús vaf jaspa nalhjenesh papi nivaĉle pa vatsasch’e chi’ pa vatvafi’ (Mateo 20:28). Chinshamesha côque pa Dios jaspa nijutjo’oi pa vatmônlhajayash aijôlhôyich.

Pa Jeova yenesh pa Jesús ti yinvaĉleyanesh na cotsjaat tôlhesh’e pa vôôs. Yeneyshi shta papi 144.000 nivaĉle nicacujanjasa ti netshamch’e jayu yiei pa vôôs. Ve’lhaelhsham pa Jesús papi lhech ti yinvaĉleyanesh jayu. Pa lhech vatvaĉleyash yivoyeshch’e yiei pa vôôs lhech pa Dios Lhanvaĉleyash (Apocalipsis 14:1-3).

Pa Dios Lhanvaĉleyash yijônei jayu na cotsjaat pa paraíso. Tan ca nicaaj pa vatvatĉlônjayash, papi vancaĉlônjanjas, papi cutsjanjas, pa vatats’aĉlayash chi’ pa yipcu’. Papi nivaĉle uj ti c’usemvatsham’in jayu (Salmo 145:16).