14. Pa ajôôjam isjop ĉa ĉ’useemvatsham’in

1 PA JEOVA YIVĈLANĴAT PA VATJÔÔJAMSHA’NE

“Nôquen lhayaash jayicjatsui’e t’ajuyish pa Lhtata ja cas’Caanvacle Jesucristo. Pan tô’lha lhacôm’a pava lheyis papi vatatac yishi’ pa vôôs yi’ei shta na cotsjaat” (Efesios 3:14, 15).

¿Ta lhjunash ĉa ĉ’useemvatsham’in napi shtantsôt’aĵesh?

• Génesis 1:26-28

  Pa Jeova yivĉlanĵat pa vatjutsa’ vatjôôjam.

• Efesios 5:1, 2

  Ĉa ĉ’usajoom’in napi shtantsôt’aĵesh tajulhei ĉa shtavôôtjônch’e pa Jeova chi’ pa Jesús.

2 NA BIBLIA VANĈATÔIĴATC’OYA NAVA ISIS T’AJUYA PA YITSUUJ CHI’ LHPA ÔĈĴEĈLÔ

“Pa nôque lhjunasha ave’lha’elh’e ts’ivee ca enelh papi ajayaselh... Vo’oi lhpa vatajaya tajulhei ca nivi’jatanjulh pa lhjaya” (Efesios 5:33).

¿Ta lhjunash ti tajulhei ĉa lhfanisheesh pa yitsuuj chi’ lhpa ôĉĵeĉlô?

• Efesios 5:22-29

  Pa vataĵa’ya yivooisham papi yitsôt’aĵesh. Lhavaatsha tajulhei ĉa nen lhpa lhĵa’ya vooi lhpa lhech ti tajulhei ĉa nefench’e pava yeneishilhatam pa lhĵa’ya.

• Colosenses 3:19; 1 Pedro 3:4

  Tajulhei ĉa lhfanisheesh pa is chi’ ĉa nitsopaeesh shta.

• 1 Pedro 3:1, 2, 7

  Pa yitsuuj chi’ lhpa ôĉĵeĉlô tajulhei ĉa nivi’ĵatanjulh.

• 1 Timoteo 5:8; Tito 2:4, 5

  Pa vataĵa’ya tajulhei ĉa niĉlôvalh papi yitsôt’aĵesh. Lhpa vataĵa’ya tajulhei ĉa ninujumatsinesh papi yitsôt’aĵesh shta.

3 NA BIBLIA VANĈATÔIĴATC’OYA NAVA ISIS T’AJUYA PAPI VATANAVOT

“Avaatsheelh, vatanavot, yaaj ca asuyiyanelh napi acleselh, tajulhei jô ca eijatsjaneshelh ca natcajôishai, pa afaicutelha pa lhencheyasha ja Lhcaanvacle” (Efesios 6:4).

¿She pa yivooisham ti ĉaaĵem papi vatanavot?

• Deuteronomio 6:4-9; Proverbios 22:6

  Tajulhei ĉa shtaĉamôminatemei napi ĉatsiĉles ĵaspa sht’eiĵatsĵanesh pa lhjunash pa Jeova. Tajulhei ĉa sht’efenesh napi lhech ti ĵôjeĉlai tiqu’iĉsha’ne ĉa lhc’utsfaeesh pa Jeova.

• 1 Pedro 5:8

  Ĉa sht’eiĵatsĵaneshelh napi ĉatsiĉles ĉa ninujumatsinlhavachsha’ne ĉa chinatcum’e chi’ pav’elh suijulh.

• Jeremías 30:11; Hebreos 12:9-11

  Ĉa shtaĉajôishiyan napi ĉatsiĉles taĵ ti yaaĵ ĉa ĉas’asinô’mat’asha’ne napi lhech.

4 NA BIBLIA VANĈATÔIĴATC’OYA NAVA ISIS T’AJUYA PAPI VATAĈLES

“Napi vatacles, anc’ashamshelhem papi anavot’elh” (Efesios 6:1).

¿Ta t’e lhayaash ti tajulhei ĉa anĉ’ashamem papi anavot?

• Proverbios 23:22-25; Colosenses 3:20

  Ĉa anĉ’ashamtaĵ uĵ ti ĉ’usemvatsham’in ĵayu pa Jeova chi’ papi anavot.

• 1 Corintios 15:33

  Avooi papi ac’utsfas ti yen pa Jeova. Lhech lhjunash ti c’ôôflhaam ĵayu ĵaspa asnatesh pa is.