1 Reyes

5 Loman najin nbʼanatäj riʼ, Adonías, ral Haguit, kan nunmirsaj wä riʼ chkiwäch ri winäq kikʼë re tzij reʼ: «¡Rïn xkinok ri qʼatöy tzij!». Rma riʼ xtäq rbʼanik jun rchʼichʼ, xerkanuj achiʼaʼ ri yekʼwan kej chqä 50 achiʼaʼ rchë nkikʼäq anin chwäch. 6 Ye kʼa rtataʼ majun bʼëy xuʼij ta reʼ che rä rchë nchapon ta che rä: «¿Achkë rma xaʼän laʼ?». Adonías xaläx chrij Absalón chqä kowan wä jaʼäl ntzuʼun. 7 Adonías xtzjon rkʼë Joab, rkʼajol Zeruyaʼ, chqä rkʼë ri sacerdote Abiatar, ri xkitzüj kitoʼik che rä. 8 Ye kʼa ri sacerdote Sadoc, Benaya ri rkʼajol Jehoiadá, ri profeta Natán, Simeí, Reí chqä ri achiʼaʼ ri kowan kichqʼaʼ ri ye rwinaq David ma xkitoʼ ta Adonías.