Salmos

2 Chöj jun qʼij xtinyaʼ aqʼij; xtinyaʼ rqʼij abʼiʼ chpan jontir nkʼaslemal. 3 Jehová kan nüm rqʼij y xa xuʼ ryä taqäl chrij nyaʼöx rqʼij, rma riʼ majun achkë xtkowin xttamaj jontir chrij. 9 Jehová kan ütz rnaʼoj nuʼän qkʼë jontir, y rkʼë jontir ri rbʼanon qa, nqʼalajin chë ryä kan nupoqonaj qawäch. 10 Nimaläj Jehová, jontir ri abʼanon qa chqä ri nkinmaj atzij xtkiyaʼ aqʼij. 11 Ryeʼ xtkitzjoj ri rqʼij ri aqʼatbʼäl tzij chqä ri awchqʼaʼ 12 rchë ke riʼ jontir winäq xtkitamaj chrij ri nimaläj taq abʼanobʼal chqä chrij ri nimaläj rqʼij ri aqʼatbʼäl tzij. 13 Ri aqʼatbʼäl tzij majun bʼëy xtkʼis ta y kan xtaqʼät tzij pa kiwiʼ ri winäq xtbʼä qʼij xtbʼä säq. 14 Jehová rchapon chkiqʼaʼ ri jbʼaʼ ma yetzaq chqä nukʼuqbʼaʼ kikʼuʼx ri nbʼison kan. 15 Jontir kiyoʼen chë rït nayaʼ ri nkʼatzin chkë; rït kan pa rqʼijul nayaʼ kiway. 16 Najäq aqʼaʼ chqä nayaʼ ronojel ri nurayij kan ri ye kʼo chwäch le Rwachʼlew. 18 Jehová kʼo chkinaqaj jontir ri yeskʼin rbʼiʼ, kʼo chkinaqaj jontir ri kan rkʼë ronojel kan nkiskʼij rbʼiʼ. 19 Ryä kan nuʼän ronojel ri nurayij kan ri nkiyaʼ rqʼij; kan yerkʼoxaj taq kan rkʼë kuw kichʼaʼäl nkikʼutuj kitoʼik che rä chqä yerköl.