Salmos

96 Tibʼixaj jun kʼakʼakʼ bʼix che rä Jehová. ¡Jontir winäq kixbʼixan che rä Jehová! 2 Kixbʼixan che rä Jehová, tiyaʼ rqʼij rbʼiʼ. Titzjoj ronojel qʼij ri ütz taq rtzjol chrij ri rbʼanik xköl rtinamit. 3 Titzjoj chkipan ri tinamït chë ryä kan nimaläj rqʼij, chqä titzjoj jontir ri jaʼäl rbʼanon. 8 Tiyaʼ rqʼij rbʼiʼ Jehová kan achiʼel taqäl chrij, tikʼamaʼ pä jun spanïk che rä chqä kixok chwäch rwajay rachoch. 9 Kixxkeʼ chwäch Jehová kikʼë loqʼoläj taq tzyäq. ¡Jontir winäq tixiʼij iwiʼ chwäch! 10 Titzjoj reʼ chkipan ri tinamït: «¡Jehová xbʼeʼok qʼatöy tzij! Ryä kan pa rkʼojlibʼäl xyaʼ wä qa le Rwachʼlew; majun ta nkowin nslon rchë. Ryä kan pa rbʼeyal xtqʼät tzij pa kiwiʼ ri winäq». 11 Ttel rkʼuʼx ri kaj chqä le Rwachʼlew; ri mar chqä jontir ri kʼo chpan kan tkiyaʼ rqʼij; 12 kan ttel kikʼuʼx ri jyuʼ chqä jontir ri ye kʼo chpan. Y kan tkʼaxatäj chë jontir ri cheʼ ri ye kʼo pa taq jyuʼ kan kiʼ kikʼuʼx kibʼanon 13 chwäch Jehová, rma petenäq rchë nuqʼät tzij pa rwiʼ le Rwachʼlew. Xtqʼät tzij pa kiwiʼ jontir winäq y kan pa rbʼeyäl xtuʼän che rä, y ri rbʼanik xtqʼät tzij kan ütz nakʼuqbʼaʼ akʼuʼx chrij.