Éxodo

5 ‹Iwonojel rïx, timoloʼ jun kchaj rchë niyaʼ che rä Jehová. Xa bʼa achkë kʼa ri naläx pa ran tkʼamaʼ pä jun kchaj che rä Jehová, achiʼel oro, plata, cobre, 21 Chrij riʼ, jontir kʼa ri kan xapon pa kan ri xbʼix chkë, xkichäp kʼa rkʼwaxik ri kikchaj che rä Jehová. Ronojel riʼ xkeʼuksäx rchë xtbʼan ri jay rchë ri moloj, rchë xkebʼan ri nkʼatzin chrij ri samaj ri xtbʼan chpan ri jay chqä rchë xkebʼan ri loqʼoläj taq tzyäq. 30 Chrij riʼ, Moisés xuʼij ya reʼ chkë ri israelitas: «Jehová xchaʼ Bezalel, rkʼajol Urí, rkʼajol Hur, ri petenäq chpan rjatzul Judá. 31 Dios xyaʼ pä rchqʼaʼ che rä rchë njeʼ rnaʼoj, rchë nutamaj chqä nqʼax chwäch xa bʼa achkë samaj nbʼan rkʼë qʼabʼaj, 32 rchë ke riʼ xtkowin xtuʼän xa bʼa achkë rtzʼbʼalul ri nkʼatzin yebʼan, rchë xtsmajij ri oro, ri plata chqä ri cobre, 33 rchë xtpaxij abʼäj chqä xkernükʼ y rchë xtuʼän xa bʼa xtkʼatzin xtbʼan rkʼë cheʼ. 34 Chqä ryaʼon pa ran Bezalel chqä pa ran Oholiab, rkʼajol Ahisamac, ri petenäq chpan rjatzul Dan, rchë yekitjoj nkʼaj chik.